Nọmbas 21:25 - Edo Bible (E Baibol Ẹdo) Version 1996

²⁵ Ẹre ivbi Izrẹl na khọnmiotọ ẹvbo Amọn hia ya sẹ Hesbọn kevbe ẹvbo ni lẹga ẹre hia, iran keghi yin ẹnrẹn.

Nọmbas 21:25 ပူးပေါင်းရင်းမြစ်များ

Ihuan Ne Ọ Sọọ Ihuan Hia 7:4

Ẹyaẹn ruẹn yevbe orre akọn eni, aro ruẹ yevbe ọghọdọ ne ọ rre Hesbọn ne ọ rre ọkpẹn onurho ẹvbo nii. Ihue ruẹ ye mose mose vbe owa ọkhẹ ọghe Lebanọn ne ọ khẹ odẹ vbe Damaskọs.

Aizaia 15:4

Ivbi e Hesbọn kevbe Elealẹ gha go, a vbe họn urhu eve iran vbe ehe ne ọ rrei gban vbene Jahaz ye. Uhin ighe te avbe ivbiyokuo ghi guọ zẹzẹzẹ, udu iran kpan fi ẹko.

Jerimaia 48:2

Ose e Moab fo vbotọ, eghian khọn mu e Hesbọn nẹ, iran vbe kun vbene iran gha ya fuẹn e Moab ua hẹ nẹ. A gha rhie obọ gue ẹvbo avbe Ọmwẹmwẹ unu. ivbiyokuo gha mu okuo gha khian.

Jerimaia 48:34

“Ivbi e Hesbọn kevbe Elialẹ tu ladian, a vbe họn urhu utumwẹ iran ya sẹ Jahaz. Emwa ni rre Zoa vbe họn ẹẹn. Avbe họn ẹẹn vbe odẹ Horonaim kevbe Eglat Siẹlisiya. Uhin ighe Ẹzẹ Nimrim tobọẹre kae sẹ otọ.

Jerimaia 48:45

Iran ni lẹ hin ẹvbo iran rre, ne ẹtin vbe fo nẹ, gha te gha ho ne a miẹn iran yi vbe Hesbọn, ẹvbo nii ne ọba e Saihọn gha khaemwisẹ yan ẹghẹ ọkpa, sokpan, erhẹn wa to vbọ nian. Erhẹn giẹn ehe ne a ka sẹ vbọ kevbe avbe oke ni yo ọghe avbe ivbi e Moab ne okuo ye.

Ezikiẹl 16:46

Ọtuẹn nokhuo nọdiọn, ke ẹe ke avbe igue ne ọ mwẹ, ọrọre Sameria ne ọ rre odẹ okuọ. Ọtuẹn nokhuo nekherhe, ke ẹe ke avbe igue ẹre, ọrọre Sọdom vbe odẹ ekẹn.

Ezikiẹl 16:49

Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.

Ezikiẹl 16:53

E Nọyaẹnmwa keghi tama e Jerusalẹm wẹẹ, “I gha dọlegbe gie agbọn maa iran ighẹ Sọdom kevbe avbe igue ẹre kevbe Sameria deba avbe igue ẹre, ẹn, I gha ru ẹe ne agbọn vbe ma uwẹ tobọruẹ.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Nọmbas 21:26

E Hesbọn ọ re ọ gha re igiogbe ẹvbo ọghe ivbi Amọri ne ọba Saihọn, rẹn na ọ re ọ gu ọmwa ne ọ te ka re ọba Moab gbinna, ọ na khọn miẹn ẹre otọe hia ya sẹ Ẹzẹ Anọn.

Nọmbas 21:31

Ẹre ivbi Izrẹl na yin otọe ivbi Amọri.

Nọmbas 32:3

“Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.

Diuteronomi 2:12

Ivbi Hor ọ re ọ te ka gha rre Idọm, sokpan ivbi Isọ keghi khulo iran kua, iran dunmwu ẹvbo iran an, iran na ghi yin evba nii ighẹ iran tobọ iran, zẹ vbene ivbi Izrẹl vbe khulo avbe eghian iran ladian vbe okiekie zẹẹ, vbe otọ ne Nọyaẹnmwa mu ne iran.)

Jọsua 24:8

Ẹre I na viọ uwa gha die otọ iran ne emwa Amọri ni rre odẹ ahọ ọghe Jọdan. Iran gu uwa gbinna, I keghi gie uwa khọnmiotọ vbe uhunmwu iran. Wa keghi mu otọ iran, mẹ na fuẹn iran zẹ vbene uwa ya khian ghe odaro.

Giọgis 11:26

Ukpo iyisẹn yan uri (300) ọ re Izrẹl kegha rre Hesbọn kevbe Aroa kevbe ẹvbo ni lẹga iran do deba ẹvbo hia ni rre eghute Ẹzẹ Anọn. Vbọzẹ ne u na ma mu ẹẹn werriegbe ke ẹghẹ nii gha dee?