Nọmbas 21:24 - Edo Bible (E Baibol Ẹdo) Version 1996
24 Sokpan ivbi Izrẹl keghi gbele nibun vbe uwu iran ne eghian nii vbe okuo, iran na yin otọe iran, ke Ẹzẹ Anọn ne ọ rre odẹ okuọ ọghe Jabọk ya sẹ Jazẹ vbe ehe ne otọe Amọn sẹe.
Vbe asọn ọkpa nii, e Jekọb keghi kpaegbe, ọ viọ amwẹ ọnrẹn eveva, avbe egbakhian eva ne ọ mwẹ, kevbe ivbiẹre owọrọ, ọ keghi fian ẹzẹ Jabọk gberra vbe ehe ne a na wa ẹre.
“U rhie ẹtin ne iran yan avbe otọ kevbe arriọba, avbe otọ ne iran gba mwa uwu iran khọn mu otọe e Hesbọn, ehe ne Saihọn na khaemwisẹ kevbe otọ Basian. Ehe ne Ọg na re ọba.
“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.
I keghi mu ikinkin otọe ne ọ ke Giliad yasẹ Ẹzẹ Anọn ne ẹwae Riubẹn kevbe Gad. Ehe ne otọe iran sẹe vbe odẹ ekẹn keghi re adesẹneva ẹzẹ nii, ehe ne ọ la ẹe vbe odẹ okuọ kevbe gha rrie Ẹzẹ Jabọk, ihe eso vbọ kevbe gha re ehe ne otọe Amọri sẹe.
Kevbe otọe Ọg ne ọ gha khaemwisẹ vbe Astarrọt kevbe Ẹdrẹi (Ọg ọkpa ọrọre ne a ghi fi yi vbe Refeim). E Mosis ka khọn iran na nẹ, ọ na vbe khulo iran ladian.
Ẹre I na viọ uwa gha die otọ iran ne emwa Amọri ni rre odẹ ahọ ọghe Jọdan. Iran gu uwa gbinna, I keghi gie uwa khọnmiotọ vbe uhunmwu iran. Wa keghi mu otọ iran, mẹ na fuẹn iran zẹ vbene uwa ya khian ghe odaro.
Ọba Amọn keghi wanniẹn tama emwa ne Jẹfta gie ẹre uhunmwu wẹẹ, “Rhunmwuda, ẹghẹ ne ivbi Izrẹl na gha ke Igipt dee, iran keghi mu otọe mwẹ, kevbe Ẹzẹ Anọn ya sẹ Ẹzẹ Jabọk kevbe Ẹzẹ Jọdan, banbanna nian, wa ghi hẹko ye aro ne rọkhọ mu ẹn werriegbe mẹ.”
Ẹre iran na nọ wẹẹ, “De ne ọ ma rri ehe ne Nọyaẹnmwa ye vbe Mizpa vbe uwu ẹwae ivbi Izrẹl?” Iran keghi do gualọ ẹe miẹn wẹ ọmwa rhọkpa ma ke Jabẹs ne Giliad rre do gu emwa si koko vbe agọ nii.