Nọmbas 21:18 - Edo Bible (E Baibol Ẹdo) Version 1996

¹⁸ Uhae ne avbe ivbi ọba fian ẹn kevbe avbe ọkaolotu emwa nii iran ye ada ọba fian ẹn kevbe ọkpọ erhan utuaotọ ọghe iran.” Iran keghi ke uwu ẹgbo kpao gha rrie Matana,

Nọmbas 21:18 ပူးပေါင်းရင်းမြစ်များ

Nehimaia 3:1

Vbene a ya dọlọ ekẹn ne ọ lẹga ẹvbo nii bọ hẹ ọ re ọna khin, Eliasib ne Ogie Ohẹn kevbe ohẹn ne ihua ẹre keghi dọlọ Onurho Ohuan bọ, iran keghi ya ẹe fi ohan iran vbe yi ẹkhu yọ. Iran na ya ekẹn ọnrẹn fi ohan ya sẹ Owa ọkhẹ iran ne iyisẹn kevbe Owa ọkhẹ ọghe Hananẹl.

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Nọmbas 21:17

Ẹghẹ nii ivbi Izrẹl na so ihuan na: “Uhae, rhie amẹ ruẹn ladian; ma gha so ihuan gbe ọbokhian nẹ ẹn.

Nọmbas 21:19

iran keghi ke evba kpao gha rrie Nahaliẹl, iran keghi vbe ke Nahaliẹl kpao gha rrie Bamot.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Diuteronomi 33:4

Ma ya uhi ne Mosis rhie ne ima gha ru emwi, emwi ighobioye ne ọ sẹre ọghe ẹvbo mwa.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Jems 4:12

Osanobua ọrọre ne ọ yi uhi kevbe ne ọ bu ohiẹn. Rẹn ọkpa kẹkan ọre ọ sẹtin miẹn emwi fan kevbe ne ọ vbe sẹtin fuẹn ọnrẹn uan. Vbe uwa a tie egbe ruẹ re yi ne u na bu ohiẹn ihua a?