Nọmbas 21:16 - Edo Bible (E Baibol Ẹdo) Version 1996

¹⁶ Evba nii ọre iran ke kpao gha rrie ehe ne a tie ẹre Uhae, ehe ne Nọyaẹnmwa na tama e Mosis wẹẹ, “Sii avbe emwa ni koko, I gha sa amẹ ne iran wọn.”

Nọmbas 21:16 ပူးပေါင်းရင်းမြစ်များ

Gẹnẹsis 21:19

Osanobua ke rhan rẹn aro, ọ na do bẹghe uhae, ọ keghi ya sa amẹ vuọn ọgọ ohian nii, ọ na vbe ya ne ọmọ nii wọn.

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Aizaia 12:3

Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Aizaia 15:8

Urhu eve ọ re a ghi họn vbe ehe hia ne otọ e Moab lae. A họn nẹẹn vbe ẹvbo Eglaim kevbe Biarelim.

Aizaia 43:20

Ya sẹ egbe avbe aranmwẹ oha, iran gha rhie ọghọ mẹ, kevbe ekuaghagha kevbe avbe ugomugo, ehia gha rho mwẹ vbe uyi vbe I gha gie amẹ gha lẹ vbe ato, ne ọ rhie amẹ ne emwa mwẹ ne I hannọ zẹ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Nọmbas 20:8

“Rhie ọkpọ ne ọ rre odaro Ẹkpẹti Ile, ne uwẹ vbe Errọn si emwa nii hia koko, vbe odaro iran vba, gu okuta nọkhua ne ọ rre odọ nii na guan, amẹ gha vẹ ladian vbọ. Vbe odẹ vberriọ, u gha rhie amẹ ke uwu okuta ni ladian ne emwa ni, ne iran kevbe emwirri iran miẹn wọn.”

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Arhie Maan 21:6

Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.

Giọgis 9:21

Ẹre Jotam na lẹ fua, ọ na ya gha rre Beẹ rhunmwuda ohan Abimẹlẹk ne ọtiọnrẹn mu ẹẹn.