Nọmbas 20:22 - Edo Bible (E Baibol Ẹdo) Version 1996

²² Ivbi Izrẹl hia keghi kpao vbe Kedẹs, iran na do sẹ uhunmwu oke Họ.

Nọmbas 20:22 ပူးပေါင်းရင်းမြစ်များ

Ezikiẹl 47:19

“Ehe ne ọ lae vbe odẹ ekẹn keghi ke Tama laghe odẹ ekẹn ya sẹ ehe ne oha ye vbe uwu ato ne a tie ẹre Kedẹs Mẹriba, ọ keghi vbe laghe odẹ okuọ vbe orrie lele ọkpẹn Igipt ya sẹ Okun e Meditẹrrenian.

Ezikiẹl 48:28

Odẹ ekẹn vbe otọe ne a mu ne ẹwae Gad, ehe ne uwu lae kegha re ne ọ laghe odẹ orrie ekẹn ke Tama kpao ya sẹ oha ne ọ rre uwu ato ighe Kadẹs, ọ keghi vbe laghe odẹ okuọ lele ehe ne otọe Igipt lae ya sẹ Okun e Meditẹrrenian.

Nọmbas 13:26

e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.

Nọmbas 20:1

Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre.

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Nọmbas 21:4

Ivbi Izrẹl keghi la odẹ Ẹzẹ Irunmwu kpahin oke Họ rre, ne iran miẹn ehe na fian oha ye Idọm obọ gberra. Sokpan iran ghi sẹ odẹ, emwa ma ghi sẹtin zin egbe.

Nọmbas 34:7

“Ehe ne ọ ra lele vbe odẹ okuọ ghi la uviẹn Meditẹrrenian ya sẹ Oke Họ, ọ ghi ke evba gha rrie Hamat Pas.

Diuteronomi 1:46

“Ọnii ọ siẹe ne ima na mudia kpẹe sẹrriọ vbe Kedẹs.