Nọmbas 20:21 - Edo Bible (E Baibol Ẹdo) Version 1996

²¹ Rhunmwuda ne ivbi ldọm ma ma gie iran la otọe iran gberra, ivbi Izrẹl keghi fi egbe werriẹ, iran na ya la ehe ọvbehe.

Nọmbas 20:21 ပူးပေါင်းရင်းမြစ်များ

II Krọnikol 20:10

“Banbanna nian, ivbi Amọn, e Moab kevbe Idọm mu okuọ bu ima rre. Ẹghẹ ne avbe erha mwa odede na gha ke Igipt dee, u ma gie iran la avbe otọe nii, rhunmwuda ọnii, avbe erha mwa odede keghi fian odẹ la ẹe ban, iran ma fuẹn iran uan.

Nọmbas 21:23

Sokpan, e Saihọn ma kue ne ivbi Izrẹl la otọ ẹvbo ẹre gberra. Ọ keghi gu ivbi Izrẹl gbinna.

Nọmbas 21:4

Ivbi Izrẹl keghi la odẹ Ẹzẹ Irunmwu kpahin oke Họ rre, ne iran miẹn ehe na fian oha ye Idọm obọ gberra. Sokpan iran ghi sẹ odẹ, emwa ma ghi sẹtin zin egbe.

Diuteronomi 2:27

‘Gie ima la ẹvbo ruẹ gberra, te ima ra wa fian ẹn rra, ma i ra vbe rhie owẹ hin adesẹ odẹ rre.

Diuteronomi 2:29

Rhinrin ma te fian Jọdan rra gha rrie otọe ne Nọyaẹnmwa ne Osanobua mwa ra mu ne ima. Ivbi uniẹn Isọ ni rre Idọm kevbe emwa Moab ni rre Ar gie ima la ẹvbo iran gberra.’

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.

Giọgis 11:17

Ẹre iran na gia uhunmwu gie ọba Idọm wẹ ne ọ gie iran la otọ ẹre gberra. Sokpan ọba Idọm ma kue ye iran ẹre. Iran vbe nọ ọba Moab, rẹn ma vbe kue ye iran ẹre. Rhunmwuda ọnii, ivbi Izrẹl ke gha rre Kedẹs.

Giọgis 11:18

Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.