Nọmbas 20:16 - Edo Bible (E Baibol Ẹdo) Version 1996

¹⁶ Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Nọmbas 20:16 ပူးပေါင်းရင်းမြစ်များ

Ẹksọdọs 14:10

Ugbẹn vbe ọba Igipt ghi khian sikẹ iran, ivbi Izrẹl keghi miẹn wẹ ivbi Igipt mu okuo bu iran dee. Ohan keghi mu iran, iran na datie Nọyaẹnmwa.

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 33:2

I gha gie odibosa ke odaro uwa, I gha khulo ivbi e Kenan, kevbe Hiti, e Pẹriz, e Hivi kevbe Jebus ladian.

Ẹksọdọs 6:5

Banbanna nian, I họn utumwẹ obalọ ọghe ivbi Izrẹl nẹ, emwa ne ivbi Igipt ya khian eviẹn, I keghi ye ile mwẹ rre.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Nọmbas 21:22

“Gie ima la otọ ruẹ gberra. Ke ima kevbe emwirri mwa, ne ọ ra fian odẹ rra la uwu oha ra ugbo emwi okọ uwa ẹ i rrọ, ma i ra sa wọn vbe uhae rua. Adesẹ odẹ ma ra gha lele khian ma te do lahin otọe rua rre.”

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 4:37

Rhunmwuda ighẹ ọ ho ẹmwẹ avbe erha uwa odede, ọ keghi hannọ avbe ivbi iran zẹ, ọ keghi tobọ ẹre ye ẹtin ẹnrẹn nọkhua viọ uwa ke Igipt ladian.

Jọsua 15:1

Ehe ne a mu ne avbe ẹgbẹe Juda keghi re eso vbe ehe ne a ra gie na: nene otọ ke ya sẹ ehe ne Idọm lae vbe odẹ ekẹn, wa ya sẹ ato ọghe Zin vbe ehe ne ọ na dinmwi sẹẹ vbe odẹ ekẹn.