Nọmbas 20:15 - Edo Bible (E Baibol Ẹdo) Version 1996

¹⁵ vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Nọmbas 20:15 ပူးပေါင်းရင်းမြစ်များ

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 46:6

Iran keghi viọ emwirri iran kevbe emwi hia ni iran khuaẹn vbe Kenan, iran na gha rrie Igipt. E Jekọb keghi viọ avbe ivbi ẹre hia ba egbe.

Gẹnẹsis 46:7

Ivbi ẹre nikpia, eyẹ nikpia, ivbi ẹre nikhuo, kevbe eyẹ ọre nikhuo.

II Samuẹl 12:18

Ọ ghi rre uzọla ọkpa, ọmọ nii keghi wu, ohan ma gie ekhaẹmwẹ e Devid na iyẹn na ma rẹn. Iran wẹẹ, “Ẹghẹ ne ọmọ na rre agbọn, e Devid ma zẹ mwẹ wanniẹn mwa vbe ima gu ẹe guan. Vbe ima ghi ra tama rẹn hẹ wẹ ovbi ẹre wu? Ọ sẹtin ru egbe ẹre emwi nọ wegbe!”

Ẹksọdọs 1:16

“Wa gha mu ikhuo Hibru emwi ubiẹmwẹ, iran gha biẹ okpia wa ghi gbe ẹe rua, sokpan ọ gha re okhuo, wa ghi sọrae.”

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 12:40

Ukpo ọgban yan uri eva (430) ọre ivbi Izrẹl ya vbe otọe Igipt.

Ẹksọdọs 5:14

Iran ni ya eviẹn winna ne ọba Igipt kegha gbele avbe ekaolotu iwinna ọghe ivbi Izrẹl ne iran mu iwinna ye ẹre obọ, iran kegha nọ iran wẹẹ, “Vbọzẹ ne uwa ma na mannọ ẹrẹna inu ibiriki ne uwa ka mannọ de ẹdẹ?”

Nọmbas 11:5

Ẹghẹ ne a na rre Igipt, ma ghi rri ehẹn ne ọ khan mwa, avbe umwẹkhẹn, ogi, ebe afọ, alubarha ke ohọ ne ima gha re!

Nọmbas 16:13

Ne u na viọ ima ke otọ esiesi vbe Igipt ladian ne u do gbele ima an vbe uwu ẹgbo na ma he ye sẹ ra? Te u ghi ra vbe gha ya ima ru ẹe rua ba onii ra?

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Iwinna 7:15

Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo.

Iwinna 7:19

Ọ kegha hiẹ emwa ima muru, Ọ keghi rri avbe erha mwa odede oya, Ọ keghi ye obọ yẹn iran ẹho wẹ ne iran gha hẹ emọ kua vbe owa, ne a gie iran gha wulo.

Diuteronomi 26:6

Ivbi Igipt kegha khọ mu ima, iran keghi ya ẹtin gha ya ima winna zẹ vbe eviẹn.