Nọmbas 20:11 - Edo Bible (E Baibol Ẹdo) Version 1996

¹¹ Ọre Mosis na tọn ọkpọ nii mu ọ na fi okuta nii re igba eva, ẹzẹ nọkhua kevbe le ladian vbọ, emwa nii hia kevbe emwirri iran ke ghi wọn.

Nọmbas 20:11 ပူးပေါင်းရင်းမြစ်များ

I Krọnikol 15:13

Rhunmwuda ne uwa i na rre evba ne uwa mu ẹẹn vbe okaro, e Nọyaẹnmwa ne Osanobua ima keghi rri ima oya ye ne ima ma na ga ẹe vbene ọ te ke yi.”

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

Psalm 105:41

Ọ kie okuta nọkhua, amẹ na vẹ kua ọ keghi lẹ la ato gberra zẹ vbe ẹzẹ.

Psalm 114:8

Ọmwa ne ọ fi okuta werriẹ khian odighi amẹ, kevbe oke okuta ni wegbe khian ẹzẹ ni lẹẹ.

Psalm 74:15

U ruẹe ne uhunmwu ẹzẹ kevbe ivbi ẹzẹ gha lẹẹ u kevbe silo avbe ẹzẹ nekhua ka.

Psalm 78:15

Ọ va okuta vbe ato ọ na rhie amẹ gie iran ke odin rre.

Psalm 78:16

Ọ ru ẹe ne amẹ ke uwu okuta lẹ ladian ọ keghi gie amẹ ni gha lẹẹ zẹ vbe ẹzẹ.

Psalm 78:20

Ẹmwata nọ wẹ, ọ fi okuta emwi amẹ kegha lẹ ogbigbi ladian. Sokpan, ọ gha vbe sẹtin rhie evbare ne ima ra ne ọ vbe viọ emiowo gie emwa rẹn?”

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Aizaia 48:21

Ẹghẹ ne Nọyaẹnmwa na viọ emwa la uwu ato ne ọ kae kevbe ne ọ tọn ovbamẹ ma gbe iran. Ọ gie amẹ ke uwu okuta vẹ ladian ne iran, ọ wa gha okuta yotọ, amẹ keghi vẹ ladian.

Hozia 13:5

Mẹ ọ re ọ gbearoghe uwa vbe otọe ato ne ọ kae.

Levitikọs 10:1

Ivbi Errọn ighẹ Nadab kevbe Abihu keghi viọ ọkpan erhẹn iran, iran gua ugiọnmwẹ erhẹn yọ, iran keghi zẹ eturari yọ, iran na mu gie Nọyaẹnmwa.

Nọmbas 20:8

“Rhie ọkpọ ne ọ rre odaro Ẹkpẹti Ile, ne uwẹ vbe Errọn si emwa nii hia koko, vbe odaro iran vba, gu okuta nọkhua ne ọ rre odọ nii na guan, amẹ gha vẹ ladian vbọ. Vbe odẹ vberriọ, u gha rhie amẹ ke uwu okuta ni ladian ne emwa ni, ne iran kevbe emwirri iran miẹn wọn.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

I Kọrinti 10:4

Iran hia keghi vbe wọn amẹ orhiọn ọkpa nii, rhunmwuda, uwu okuta orhiọn nii ne ọ lele iran gha khian, ọre iran hia na wọn, okuta nii keghi re Kristi tobọ ẹre.

Diuteronomi 8:15

Rẹn ọ re ọ su uwa la ato nọkhua ne ọ mu ohan nii, ehe ne avbe ẹyẹn ni mwẹ obi dan ye deba ekpakpahuangan, vbe otọe ne ọ kakae ne hiohioohio nii, ọ keghi tue amẹ ke uwu okuta ladian ne uwa.

Jems 1:20

Rhunmwuda, izohu ọmwa ne agbọn i mwẹ ehe ne ọ na gie emwamwa nọ maa ọghe Osanobua mwẹ uhunmwu.

Giọgis 15:19

Ẹre Osanobua na rhan ugboghodo ọkpa vbe otọ vbe Lẹhi vbe evba, amẹ keghi vẹ ladian vbọ. E Samsin keghi wọn, egbe na do gha ye ẹe ẹse. Ẹre iran na ghi gha tie ovbi ẹzẹ ni Hakọ; te ọ ye rre Lẹhi sẹ ẹdẹ nẹrẹ na.

I Samuẹl 15:19

Vbọ ghi zẹ ne u na he uhunmwu ye ọre obọ? Vbọzẹ ne uwa na do emwi gha fu hẹẹ, ne uwa na gha ru emwi ne ẹ i yẹ e Nọyaẹnmwa?”

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.