Nọmbas 20:10 - Edo Bible (E Baibol Ẹdo) Version 1996

¹⁰ Rẹn kevbe Errọn keghi si emwa ni hia koko ye odaro okuta nii, ẹre Mosis na kha wẹẹ, “Wa danmwehọ, wa ne etẹ na! Uwu okuta na ọre ima gha ke samẹ ladian ne uwa ra?”

Nọmbas 20:10 ပူးပေါင်းရင်းမြစ်များ

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 41:16

E Josẹf keghi wanniẹn wẹẹ, “Ẹ i re imẹ Umogun, Osanobua gha rhie ewanniẹn esi ne ọba.”

Psalm 78:16

Ọ ru ẹe ne amẹ ke uwu okuta lẹ ladian ọ keghi gie amẹ ni gha lẹẹ zẹ vbe ẹzẹ.

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

I Kọrinti 3:7

Ke ne ọ kọe, kevbe ne ọ ghe amẹ khakhae ẹ i mobọ mwẹ esa, Osanobua ọrọre ne a kha, rhunmwuda rẹn ọre ọ ru ẹe ne emwiokọ na zọọ.

Ẹfisọs 4:26

Deghẹ ohu muẹn, ghẹ gie ohu ne ọ muẹn ya a ru orukhọ, ghẹ vbe mu ohu la ẹdẹ hoho.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.