Nọmbas 2:17 - Edo Bible (E Baibol Ẹdo) Version 1996

¹⁷ “Ivbi e Livai gha si okhian, iran ghi gha rre ẹkpo oka eva ni ke odieke, iran ghi mu Owa Ukpọn Ile mwẹ. Zẹ vbene a ya bu agọ ọre dọmwadẹ oka gha vbe ya gha khian, dọmwadẹ ọghe ọe vbe ihe ọghe ọe vbe ototọ ọkaolotu ẹre ke asa iran.

Nọmbas 2:17 ပူးပေါင်းရင်းမြစ်များ

Nọmbas 10:17

Iyeke ọnii, a ghi kuọre sotọ ighẹ agọ nii, ẹwae Gẹsiọn kevbe Merari, ni dadae ghi ka si okhian.

Nọmbas 10:21

Iyeke ọnii, ẹwae Kohat ne ọ mu avbe emwi nihuanrẹn, ghi si okhian, vbe iran ghi te sẹ agọ nọkpa, iran gha vbe werriegbe bọ agọ nẹ.

Nọmbas 2:1

E Nọyaẹnmwa keghi ru igiodẹ na ma e Mosis kevbe Errọn wẹẹ,

Nọmbas 2:18

“Iran ni rre ototọ asa oka ọghe Ifreim ghi ya otuotu bu agọ iran ye asefẹn orrie vbọ vbe ototọ ọkaolotu iran vbe nian. Ẹwae Olotu Inu emwa ni rrọọ Ifreim Eliasiama ne ovbi Amihud Iyisẹn isẹn yan arriaisẹn iyeva (40,500) E Manasẹ e Gamaliẹl ne ovbi e Pẹdazọ Uri vbe arriaisẹn eva yan ọgban (32,200) E Bẹnjamin Abidan ne ovbi e Gidiọn Uri eva yan arriaisẹn isẹn yan ọgban: (35,400) Ehia kegha re iyisẹn vbe arriaisẹn erẹnrẹn yan iyisẹn (108,100) Ọka ọghe Ifreim ghi gha re ukpogieha ne ọ gha si okhian.

Nọmbas 3:38

E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua.

I Kọrinti 14:40

Wa ghi gha ru emwi hia ururo kevbe uhẹn uhẹn.

Kọlose 2:5

Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.