Nọmbas 19:7 - Edo Bible (E Baibol Ẹdo) Version 1996

⁷ Vbe iyeke ọnii, ọ ghi ya họ ukpọn rẹn, ọ ghi mu amẹ hihiẹ ku egbe, iyeke ọnii, ọ sẹtin la uwu agọ; sokpan, awua ye rrọ ẹre egbe rhinrin ya sẹ ẹghẹ ota.

Nọmbas 19:7 ပူးပေါင်းရင်းမြစ်များ

Levitikọs 11:24

“Ọmwaikọmwa ne ọ ya obọ kan ikun avbe aranmwẹ na hia, gha khian ne awua gue ya sẹ ota, ọmwaikọmwa ne ọ vbe mu ikun iran, ọ ghi họ ukpọn rẹn sokpan awua ye guẹe ya sẹ ota: aranmwẹ ni mwẹ ihiẹn hia. sokpan a ma wẹ te ihiẹn ọnrẹn va ada, ọ ghi vbe gha hu emwi rre lue vbe unu, deba aranmwẹ ni mwẹ owẹ enẹ ni vbe mwẹ ihiẹn ni mu.

Levitikọs 11:31

Omwa ne ọ ya obọ kan iran gha mwẹ awua ọ te ya sẹ ota.

Levitikọs 11:32

Ikun iran gha vbe degbe emwikemwi, iran ghi vbe gha mwẹ awua. Te ọna wa sẹ egbe emwi hia, kevbe ne a ya erhan ru, ukpọn, ohian ẹkpo, emwi ne ọ khọn rẹn ne a gha ya ẹe ru. A ghi fi ẹe ye amẹ, sokpan ọ ghi gha re ne ọ mwẹ awua, ọ te ya sẹ ota.

Levitikọs 11:39

“A deghẹ aranmwẹ ne a re, de wu, emwikemwi ni dekan rẹn khian ne awua ye ọ te ya sẹ ota.

Levitikọs 11:40

A deghẹ ọmwaikọmwa re vbe aranmwẹ nii, ọ ghi họ ukpọn rẹn, sokpan awua gha ye gha guẹe ọ te ya sẹ ota. Omwa ne ọ mu ikun ẹnrẹn ghi họ ukpọn rẹn sokpan awua ye gue ẹe ọ te ya sẹ ota.

Levitikọs 14:46

Ọmwaikọmwa ne ọ la owa nii vbe ẹghẹ ne a na khui ẹre, ghi gha re ne awua gue ọ te ya sẹ ẹghẹ ota.

Levitikọs 15:5

Ọmwa ne ọ rhirhi ya egbe kan ukpo ẹre.

Levitikọs 22:6

awua guẹe, ọ te yasẹ ota, uhin vbe ọ gha vbe sẹ ẹghẹ ota nẹ, wẹ ne ọ ghẹ rri emwi nihuanrẹn na ya zẹ ọhẹ vbe ẹ i re te ọ khuẹ nẹ.

Nọmbas 19:10

Ọmwa ne ọ si emuẹn ni koko, ọ ghi họ ukpọn rẹn, sokpan awua ye guẹe ọ te ya sẹ ota. Emwamwa na, ọ ghe ẹdẹdẹmwẹdẹ nọ ne ivbi Izrẹl kevbe avbe erhunmwuyẹn ni rre uwu ẹbu iran.

Nọmbas 19:19

Ọmwa nẹ i mwẹ awua ghi miẹn amẹ nii ku ọmwa ne awua gue nii vbe ikpẹdẹ ne ogieha kevbe ikpẹdẹ ne ogihinrọn. Vbe ikpẹdẹ ne ogihinrọn, ọ ghi kpẹe huan ighẹ ọmwa ni ne a miẹn wẹ ọ ghi họ ukpọn rẹn nẹ, ọ mu amẹ rhurhẹ yan egbe, ọ keghi do khian ne ẹ i ghi mwẹ awua vbe ọ ghi sẹ ẹghẹ ne ovẹn ya dero.

Nọmbas 19:21

Uhi na ghi gha rre atẹ vbe obọ uwa ẹdẹdẹmwẹdẹ. Ọmwa ne ọ miẹn rẹn kua ighẹ amẹ akpehuan, rẹn ghi vbe họ ukpọn irẹn, ọmwa ne ọ rhirhi ye obọ kan amẹ ni, awua gu ẹe rhinrin ya sẹ ota.

Nọmbas 19:22

Emwikemwi ne ọmwa ne awua gue ye obọ kan, vbe khian ne awua ye, ọmwaikọmwa ne ọ vbe ya obọ kan rẹn khian ne awua gue ya sẹ ota.

Nọmbas 19:8

Ọmwa ne ọ ya giẹn ẹmila nii, ọ ghi vbe họ ukpọn rẹn, ọ ghi vbe hihiẹ amẹ yan egbe ẹre, sokpan rẹn ye vbe mwẹ awua ọ te ya sẹ ota.

Hibru 13:11

Ogie ohẹn avbe Ju ghi mu esagiẹn aranmwẹ gha die uwu Ehe Ne ọ Huan Sẹẹ Ehia, ne iran do yae zọ ese ye orukhọ, sokpan iran ghi giẹn ikun aranmwẹ nii uan vbe a gha lahin agọ rre nẹ.