Nọmbas 19:3 - Edo Bible (E Baibol Ẹdo) Version 1996

³ Ne uwa mu ne Eliaza ne ohẹn. A ghi mu ẹn lahin ore agọ rre ne a sirra ẹre gbee.

Nọmbas 19:3 ပူးပေါင်းရင်းမြစ်များ

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Levitikọs 24:14

“Rhie ọmwa nii hin uwu agọ rre. Emwa ni họẹn vbe ọ tie ihẹn hia ghi viọ obọ yan ẹre uhunmwu ne iran ya sẹ osẹe wẹ ọ rrie abe, iyeke ọnii, emwa hia ghi koko filo okuta gbe ẹe rua.

Levitikọs 4:11

Sokpan, Ọ ghi mu ohian ẹnrẹn, efun ni rrọ hia, uhunmwu ẹnrẹn, owẹ ọre, ẹkpokhurhu ẹre kevbe ibiẹ ọre.

Levitikọs 4:12

U ghi mu ehia ladian gha rrie ehe ne awua i ye vbe ore, vbe ehe ne a na mu emuẹn ọnrẹn kua, ne u ya giẹn ọnrẹn uan vbe evba vbe erhẹn erhan.

Levitikọs 4:21

Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.

Nọmbas 15:36

Ẹre emwa nii hia na rhie ẹre lahin uwu agọ rre, iran na filo okuta gbẹe rua zẹ vbene Nọyaẹnmwa khare.

Nọmbas 19:9

Ẹghẹ nii, ọmwa ne awua i gue ghi ya koko emuẹn ẹmila nii, ọ ghi ya viọ ẹre ye ehe nẹ i mwẹ awua vbe a gha lahin agọ rre nẹ, a ghi sẹ ọe rae ye evba ne ivbi Izrẹl ya ẹe gha gua amẹ ne a ya khuẹ awua kua. Te a ru emwi na ne a ya kpe orukhọ kua.

Nọmbas 3:4

Sokpan ẹghẹ ne Nadab kevbe Abihu na ya erhẹn awua zẹ ọhẹ gie Nọyaẹnmwa vbe Ato Sainai, a keghi gbele iran an. Iran i mwẹ emọ rhunmwuda onii Eliaza kevbe Itama kegha ru ugamwẹ ohẹn la ẹghẹ ne Errọn ne erha iran na gha rre agbọn.

Nọmbas 5:2

“Tama ivbi Izrẹl ne iran viọ avbe emwa ne emianmwẹ ikpakpa ne ọmwa ọvbehe na sẹtin hẹ, ra ne egbe ẹre gin amẹ, kevbe emwa hia ne awua gue rhunmwuda ighẹ ọ ya egbe kan orinmwi, hin ore agọ rre.