Nọmbas 19:21 - Edo Bible (E Baibol Ẹdo) Version 1996

²¹ Uhi na ghi gha rre atẹ vbe obọ uwa ẹdẹdẹmwẹdẹ. Ọmwa ne ọ miẹn rẹn kua ighẹ amẹ akpehuan, rẹn ghi vbe họ ukpọn irẹn, ọmwa ne ọ rhirhi ye obọ kan amẹ ni, awua gu ẹe rhinrin ya sẹ ota.

Nọmbas 19:21 ပူးပေါင်းရင်းမြစ်များ

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Levitikọs 11:40

A deghẹ ọmwaikọmwa re vbe aranmwẹ nii, ọ ghi họ ukpọn rẹn, sokpan awua gha ye gha guẹe ọ te ya sẹ ota. Omwa ne ọ mu ikun ẹnrẹn ghi họ ukpọn rẹn sokpan awua ye gue ẹe ọ te ya sẹ ota.

Nọmbas 18:23

Ke ẹghẹ na kpao, avbe Livai ọ re ọ ghi gha gbearoghe Owa Ukpọn, obọ iran ọre emwi hia ni dekan rẹn ghi gha ye. Iyi ọghe etẹbitẹ ne ọ vbe sẹ egbe ivbi uwa ọre ọna khin. Avbe Livai i khian gha mwẹ emwi are vbe ukhu vbe otọe Izrẹl.

Nọmbas 19:10

Ọmwa ne ọ si emuẹn ni koko, ọ ghi họ ukpọn rẹn, sokpan awua ye guẹe ọ te ya sẹ ota. Emwamwa na, ọ ghe ẹdẹdẹmwẹdẹ nọ ne ivbi Izrẹl kevbe avbe erhunmwuyẹn ni rre uwu ẹbu iran.

Nọmbas 19:7

Vbe iyeke ọnii, ọ ghi ya họ ukpọn rẹn, ọ ghi mu amẹ hihiẹ ku egbe, iyeke ọnii, ọ sẹtin la uwu agọ; sokpan, awua ye rrọ ẹre egbe rhinrin ya sẹ ẹghẹ ota.

Nọmbas 19:8

Ọmwa ne ọ ya giẹn ẹmila nii, ọ ghi vbe họ ukpọn rẹn, ọ ghi vbe hihiẹ amẹ yan egbe ẹre, sokpan rẹn ye vbe mwẹ awua ọ te ya sẹ ota.

Hibru 10:4

Rhunmwuda esagiẹn ẹmila kevbe ọghe ẹwe i sẹtin kpe orukhọ khua.

Hibru 7:19

Rhunmwuda, Uhi e Mosis i sẹtin ya emwikemwi khian ne ọ gbae fo. Wanwanna nian, a rhie idaehọ ọkpa ne ọ maa sẹ, ye otọ nẹ, ne ima gha la bu Osanobua gha dee.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.