Nọmbas 19:20 - Edo Bible (E Baibol Ẹdo) Version 1996

²⁰ Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.

Nọmbas 19:20 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Levitikọs 15:31

E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

Levitikọs 17:16

A deghẹ ọ ma ru vberriọ, a ghi rri ọre oya.

Levitikọs 22:4

“Vbe uwu avbe ivbi Errọn, a deghẹ a miẹn ne ọ khuọnmwi emianmwẹ ikpakpa egbe ra egbe ne ọ gin vbọ, a ghẹ gie ẹe re vbe uwu izẹọhẹ nihuanrẹn a te do miẹn wẹ awua i ghi guẹe. Ohẹn ne ọ rhirhi ya obọ kan emwi ne awua ye rhunmwuda ne ọ na dekan orinmwi ra ne eku ladian vbe egbe ẹre.

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 19:13

Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.

Iyẹn ne ọ Maan Ọghe Mak 16:16

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

II Pita 3:14

Rhunmwuda ọnii, wa ne ọse mwẹ vbe uwu ne uwa na mudia khẹ Ẹdẹ ne ẹdẹrriọ, wa ziga ne uwa gha re ni hianrẹn kevbe ne ẹ i mwẹ okan vbe odaro Osanobua, ne uwa guẹe gha rrọọ vbe ọfumwegbe.

Arhie Maan 22:11

Ọmwa ne ọ re ọmwa dan, we ẹre wa gha ru ọmwa dan khian, ne ọ re agbiruẹn, we ne ọ wa gha re agbiruẹn khian, ọmwa ne ọ re ọmwa esi, we ne ọ wa gha ru emwi esi khian, ọmwa ne ọ re ne ọ huanrẹn, wẹ ne ọ wa vbe gha re ne ọ huanrẹn khian.”