Nọmbas 19:2 - Edo Bible (E Baibol Ẹdo) Version 1996

² ne iran ru emwamwa na ne ivbi Izrẹl wẹẹ, ne iran mu ẹmila ne ọ baa ne a ma he ya winna ke ne ẹ i mwẹ okan.

Nọmbas 19:2 ပူးပေါင်းရင်းမြစ်များ

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 14:6

Ọ ghi mu ahianmwẹ nọkpa, ọ ghi fi ẹe ye esagiẹn ahianmwẹ ne a gbe nii, ke ẹe kevbe erhan sida nii, kevbe okun ne ọ baa nii ke ovbi erhan ebe afọ nii.

Nọmbas 19:1

E Nọyaẹnmwa keghi tama e Mosis kevbe Errọn

Nọmbas 19:6

Rẹn ghi rhie erhan sida, kevbe abọ hisọp kevbe ukpọn ne ọ baa, ọ ghi filẹe ku uwu erhẹn nii.

Nọmbas 31:21

Eliaza ne ohẹn keghi tama emwa ni ke okuo rre wẹẹ, “Emwamwa ne Nọyaẹnmwa rhie ne Mosis ọre ena khin.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Diuteronomi 21:3

Avbe ekaolotu avbe ẹvbo nii sikẹ ọ re sẹ ighẹ ehe ne a na miẹn ikun ọmwa nii, ghi hannọ ovbi ẹmila amwẹ ne a ma he ya winna ẹdẹ.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.

I Pita 2:22

Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.

I Samuẹl 6:7

Rhunmwuda onii nian, wa kun okotọ ọgbọn, wa munọ ẹmila eva ne a ma he ya gua ẹdẹ, gbalọ iran ginna okotọ nii, wa ghi khulo ivbi iran werriegbe gha rrie irhu.