Nọmbas 19:18 - Edo Bible (E Baibol Ẹdo) Version 1996

¹⁸ Vbe ọ ghe ne okaro, ọmwa ne awua i gue ghi rhie abọ ebe afọ, ọ ghi fiẹe ye uwu amẹ nii, ọ ghi miẹn rẹn lele owa ukpọn nii, kevbe emwi hia ni rre uwu ẹre kevbe emwa ni rre evba. Vbe ọ ghe ne ogieva, ọmwa ne awua i gue ghi miẹn amẹ nii ku ọmwa ne ọ ya obọ kan ugboloko ọmwa, ra ikun orinmwi ra idin.

Nọmbas 19:18 ပူးပေါင်းရင်းမြစ်များ

Psalm 51:7

Khiẹn orukhọ mwẹ hin rre mẹ gha huan, khuẹ mwẹ mẹ gha fua sẹẹ isonorhọ.

Psalm 51:9

Rhie aro hin orukhọ mwẹ rre, ne u vbe khiẹn emwi dan mwẹ hia hin rre.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Nọmbas 19:17

Egbe ama huan vbenian, a ghi zẹ emuẹn vbe ẹmila na giẹ uan ne a ya gha kpe awua kua ye akhe, a ghi sa amẹ nọfurre ba ẹre.

Nọmbas 19:19

Ọmwa nẹ i mwẹ awua ghi miẹn amẹ nii ku ọmwa ne awua gue nii vbe ikpẹdẹ ne ogieha kevbe ikpẹdẹ ne ogihinrọn. Vbe ikpẹdẹ ne ogihinrọn, ọ ghi kpẹe huan ighẹ ọmwa ni ne a miẹn wẹ ọ ghi họ ukpọn rẹn nẹ, ọ mu amẹ rhurhẹ yan egbe, ọ keghi do khian ne ẹ i ghi mwẹ awua vbe ọ ghi sẹ ẹghẹ ne ovẹn ya dero.

Nọmbas 19:9

Ẹghẹ nii, ọmwa ne awua i gue ghi ya koko emuẹn ẹmila nii, ọ ghi ya viọ ẹre ye ehe nẹ i mwẹ awua vbe a gha lahin agọ rre nẹ, a ghi sẹ ọe rae ye evba ne ivbi Izrẹl ya ẹe gha gua amẹ ne a ya khuẹ awua kua. Te a ru emwi na ne a ya kpe orukhọ kua.

Iyẹn ne ọ Maan Ọghe Jọn 17:17

Ye ẹmwata ya iran khian ọ wuẹ, ẹmwata ọre ẹmwẹ ruẹn khin.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

Hibru 9:19

Okaro, Mosis keghi talọ ẹmwẹ uhi na ma emwa nii, zẹ vbene a gbẹn ye nene Uhi. Vbe iyeke ọnii, ọ keghi mu esagiẹn ẹmila ke ẹe kevbe amẹ, ọ keghi ye hisọp kevbe iku oru ododo, sanmwẹ ọẹn ku ebe nene Uhi kevbe avbe emwa nii.