Nọmbas 19:13 - Edo Bible (E Baibol Ẹdo) Version 1996

¹³ Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 19:13 ပူးပေါင်းရင်းမြစ်များ

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Ezikiẹl 44:26

Awua ghẹ ghi lahin ẹre egbe rre nẹ, ọ ghi, ziengbe la ikpẹdẹ ihinrọn.

Levitikọs 15:31

E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 22:3

A deghẹ a miẹn orhiọnkpa vbe uwu avbe ivbi uẹ ne ọ sikẹ emwi izẹọhẹ nihuanrẹn ne ivbi Izrẹl ya fiohan mẹ vbe awua rre ọre egbe, a ghẹ gie ẹe dọlegbe ladian vbe odaro mwẹ do ga mwẹ ọvbehe. Iyi ẹdẹdẹmwẹdẹ ọna khin. Mẹ ọ re Nọyaẹnmwa.

Levitikọs 22:4

“Vbe uwu avbe ivbi Errọn, a deghẹ a miẹn ne ọ khuọnmwi emianmwẹ ikpakpa egbe ra egbe ne ọ gin vbọ, a ghẹ gie ẹe re vbe uwu izẹọhẹ nihuanrẹn a te do miẹn wẹ awua i ghi guẹe. Ohẹn ne ọ rhirhi ya obọ kan emwi ne awua ye rhunmwuda ne ọ na dekan orinmwi ra ne eku ladian vbe egbe ẹre.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 5:3

“A deghẹ ọmwa la ekpa a i gbe aro ke otọ ya obọ kan emwi ne ọ ma huan ne ọ ke egbe ọmwa rre, awua gue ẹe, ọ vbe rri abe vbe ọwarọkpa ne ọ ya rẹn emwi ne irẹn ru.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 7:20

Sokpan ọmwa ne awua gue gha rri ọe, a ghẹ ka ẹe ba emwa Osanobua.

Levitikọs 7:21

A deghẹ ọmwaikọmwa ye vbe re vbe emiowo izọese na, vbe ọ ya obọ kan emwi awua nẹ, ọre ke egbe ọmwa nagbọn ra aranmwẹ rre nọ, a ghẹ ghi ka ẹe ba emwa Osanobua.”

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 19:14

Ọmwa gha wu vbe uwu owa ukpọn, ọmwaikọmwa ne ọ rre uwu owa ukpọn nii vbe ẹghẹ ne ọ na wu ra ọmwaikọmwa ne ọ larọ, khian ne awua gue la ikpẹdẹ ihinrọn.

Nọmbas 19:18

Vbe ọ ghe ne okaro, ọmwa ne awua i gue ghi rhie abọ ebe afọ, ọ ghi fiẹe ye uwu amẹ nii, ọ ghi miẹn rẹn lele owa ukpọn nii, kevbe emwi hia ni rre uwu ẹre kevbe emwa ni rre evba. Vbe ọ ghe ne ogieva, ọmwa ne awua i gue ghi miẹn amẹ nii ku ọmwa ne ọ ya obọ kan ugboloko ọmwa, ra ikun orinmwi ra idin.

Nọmbas 19:19

Ọmwa nẹ i mwẹ awua ghi miẹn amẹ nii ku ọmwa ne awua gue nii vbe ikpẹdẹ ne ogieha kevbe ikpẹdẹ ne ogihinrọn. Vbe ikpẹdẹ ne ogihinrọn, ọ ghi kpẹe huan ighẹ ọmwa ni ne a miẹn wẹ ọ ghi họ ukpọn rẹn nẹ, ọ mu amẹ rhurhẹ yan egbe, ọ keghi do khian ne ẹ i ghi mwẹ awua vbe ọ ghi sẹ ẹghẹ ne ovẹn ya dero.

Nọmbas 19:20

Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.

Nọmbas 19:9

Ẹghẹ nii, ọmwa ne awua i gue ghi ya koko emuẹn ẹmila nii, ọ ghi ya viọ ẹre ye ehe nẹ i mwẹ awua vbe a gha lahin agọ rre nẹ, a ghi sẹ ọe rae ye evba ne ivbi Izrẹl ya ẹe gha gua amẹ ne a ya khuẹ awua kua. Te a ru emwi na ne a ya kpe orukhọ kua.

Nọmbas 8:7

sanmwẹ amẹ afọ yan iran, ne u wẹ ne iran zọ eto hin egbe iran hia rre fẹẹrẹ, ne iran vbe họ ukpọn iran. Ẹghẹ nii awua i ghi rre iran egbe.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:11

Ọmwa ne ọ re ọmwa dan, we ẹre wa gha ru ọmwa dan khian, ne ọ re agbiruẹn, we ne ọ wa gha re agbiruẹn khian, ọmwa ne ọ re ọmwa esi, we ne ọ wa gha ru emwi esi khian, ọmwa ne ọ re ne ọ huanrẹn, wẹ ne ọ wa vbe gha re ne ọ huanrẹn khian.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.