Nọmbas 18:9 - Edo Bible (E Baibol Ẹdo) Version 1996

⁹ Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.

Nọmbas 18:9 ပူးပေါင်းရင်းမြစ်များ

II Ọba 12:17

Vbe ẹghẹ nii, e Hazaẹl ne ọba Siria keghi mu okuo gha rrie Gat, ọ na khọn rẹn, ọ na wẹ rẹn ra wa vbe mu okuo la e Jerusalẹm.

Nehimaia 10:36

Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 14:13

Ọ ghi gbe ovbi ohuan amwẹ nii vbe ehe ne a na gbele aranmwẹ ese orukhọ ke ọghe ese ne a giẹn uan. Ọ ghi ru ẹe vberriọ, rhunmwuda, izọese a hae werriegbe, zẹ vbene ese orukhọ vbe ye, avbe ohẹn ọre ọ yanrẹn, emwi ne ọ huanrẹn ẹsẹse ọre nọ.

Levitikọs 2:10

Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.

Levitikọs 22:11

Sokpan ọviẹn ohẹn ne ọ ya igho de ra ne a biẹ ẹe vbe owa ẹre sẹtin re vbe evbare ne a viọ gie ohẹn.

Levitikọs 22:7

Owẹn gha defua nẹ, ọ khian ne awua i ghi gue, ẹghẹ nii, ọ sẹtin rri emwi izẹọhẹ ni huanrẹn ni rre evbare ọghọe.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 4:27

“A deghẹ ọkpa vbe uwu avbe emwa kẹkan ọre ọ ru orukhọ, ọ na vbe rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 5:1

“Avbe emwi vbenian ọre a gha zọ ese orukhọ yi. A gha la odẹ ne a ru ẹe la tie ọmwa ne ọ do sẹ osẹe vbe iko, a deghẹ ọ ma ta ẹmwẹ nii zẹ vbene aro ẹre sẹ ọe, ra vbene a tama irẹn hẹ, ọ rri abe.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 6:19

E Nọyaẹnmwa keghi viọ avbe ilele na ne Mosis:

Levitikọs 6:30

Sokpan, a gha mu esagiẹn ẹnrẹn la uwu Owa Ukpọn Ile, a na ya ẹe ru emwi akpehuan ọghe orukhọ, a ghẹ rri emiowo nii, a ghi wa giẹn ọnrẹn uan.

Levitikọs 7:1

“Emwamwa ọghe vbene a gha ya gha ha emwi werriegbe hẹ ọre ena khin. Izọese ne ọ huansẹ ẹsẹse nọ.

Levitikọs 7:6

Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Levitikọs 7:7

“Emwamwa ọkpa ọre ọ rre ẹmwẹ izẹọhẹ orukhọ kevbe izẹọhẹ a hae werriegbe, ohẹn ne ọ zọ ese nii ọre ọ yan emiowo nii.

Nọmbas 18:10

Ehe nọhuanrẹn ọre u gha na gha rri avbe emwi na, ikpia ọkpa ọre ọ gha rri ọe. Kae ye emwi ne a ya ru emwi.

Diuteronomi 18:1

“Ewae e Livai ne ọ re ọghe avbe ohẹn, a i ra ghae ne iran vbe otọe nii, emwi izẹ ọhẹ kevbe emwi izọ ese ọvbehe ne emwa viọ gie Nọyaẹnmwa ọre iran gha ya gha koko egbe.