Nọmbas 18:26 - Edo Bible (E Baibol Ẹdo) Version 1996

²⁶ ne ọ tama avbe Livai wẹẹ, “Aghae yi ihe igbe ne ivbi Izrẹl viọ rre ne Nọyaẹnmwa ya ne uwa gha ghi sẹ uwa obọ nẹ, wa ghi ghae ẹre ye ihe igbe rhie obọkpa vbọ gie Nọyaẹnmwa zẹ vbe ihaoko kpataki.

Nọmbas 18:26 ပူးပေါင်းရင်းမြစ်များ

Nehimaia 10:38

Avbe Livai gha koko aghaeyihigbe vbe obọ emwa, avbe ohẹn ni re ivbi uniẹn Errọn ghi mudia ke iran, avbe Livai ghi viọ obọkpa vbe uwu igbe vbe aghaeyihigbe ne iran koko, ye aza vbe Ọgua Osa ne a miẹn gha lo vbe Ọgua Osa.

Nehimaia 10:39

Ivbi Izrẹl kevbe avbe Livai ghi viọ emwi ne emwa zẹe nii ighẹ ọka, ayọn, kevbe ofigbọn oliv gha rrie uwu aza ne a viọ avbe ọkpan ne a lo vbe Ọgua Osa yi, ehe ne iran vbe dia ighẹ avbe ohẹn ne iwinna sẹ ọre egbe vbe Ọgua Osa kevbe avbe iran ni khẹ Ọgua Osa kevbe avbe iran ni so ihuan vbe Ọgua Osa.

Nọmbas 15:21

Erriọ ọ re a ra gha zẹ ọhẹ kpataki na gie Nọyaẹnmwa vbe uwu irhuarhua ne a ka gha gbe vbe a ghẹ ghi rhọ emwi okọ nẹ rhinrin ẹdẹ.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Nọmbas 18:25

E Nọyaẹnmwa keghi tama e Mosis,

Nọmbas 18:27

Izẹọhẹ kpataki na, a ghi kae yọ wẹ umwọmwẹ rẹn vbe izẹọhẹ ọka kevbe ayọn ne ọgbugbo ru khin.

Hibru 7:5

Ivbi uniẹn Livai ni re ohẹn, te nene Uhi yi ẹre iyi ne iran wẹ, ne iran gha miẹn emwa Izrẹl obọ ọkpa vbe uwu igbe, ọnii nọ wẹ, obọ ivbi ẹvbo iran ọre iran na miẹn rẹn, a gha rhe miẹn wẹ ivbi uniẹn Ebraham iran vbe khin.