Nọmbas 18:23 - Edo Bible (E Baibol Ẹdo) Version 1996

²³ Ke ẹghẹ na kpao, avbe Livai ọ re ọ ghi gha gbearoghe Owa Ukpọn, obọ iran ọre emwi hia ni dekan rẹn ghi gha ye. Iyi ọghe etẹbitẹ ne ọ vbe sẹ egbe ivbi uwa ọre ọna khin. Avbe Livai i khian gha mwẹ emwi are vbe ukhu vbe otọe Izrẹl.

Nọmbas 18:23 ပူးပေါင်းရင်းမြစ်များ

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ezikiẹl 44:10

E Nọyaẹnmwa keghi tama mwẹ wẹẹ, “I ra rri iran oya ighe ivbi e Livai, ni vbe deba avbe ivbi Izrẹl nekpa he mwẹ yotọ, iran na ya gha gho ẹbọ.

Nọmbas 18:1

E Nọyaẹnmwa keghi tama Errọn wẹẹ, “Abaku ru gha rre iwinna ugamwẹ vbe uwu Owa Ukpọn Ile, urhu uwẹ kevbe avbe ivbuẹ kevbe avbe Livai ọ re ọ ye, sokpan wẹ kevbe avbe ivbuẹ ọ re ọ ra rri oya ye abakuru ne ọ ladian vbe uwu iwinna ohẹn.

Nọmbas 18:20

E Nọyaẹnmwa keghi tama Errọn wẹẹ, “Wẹ ghẹ miẹn ọmwa rhọkpa emwi ne ọ gia re vbe ukhu, a i ra vbe ghae ne uẹn vbe otọ Izrẹl. Mẹ ne Nọyaẹnmwa ọrọre emwi ne ọ ke ne uẹn.”

Nọmbas 19:21

Uhi na ghi gha rre atẹ vbe obọ uwa ẹdẹdẹmwẹdẹ. Ọmwa ne ọ miẹn rẹn kua ighẹ amẹ akpehuan, rẹn ghi vbe họ ukpọn irẹn, ọmwa ne ọ rhirhi ye obọ kan amẹ ni, awua gu ẹe rhinrin ya sẹ ota.

Nọmbas 26:62

Avbe Livai ne ikpia hia ni ghi rre ke ọmọ ukpo ọkpa gha khian kegha re arriaisẹn ehayan-ugie (23,000). A ma ka iran ba ivbi Izrẹl nekpa rhunmwuda a ma gha emwi ẹwae rhọkpa ne iran vbe Izrẹl.

Nọmbas 3:7

Iran ghi gha winna iwinna ni rre uwu Owa Ukpọn Ile, iran ghi gha winna ne avbe ohẹn kevbe avbe emwa nii hia.

Nọmbas 35:29

Uhi na dekun uwa kevbe avbe ivbi uwa, eheikehe ne uwa a rhirhi gha ye.

Diuteronomi 10:9

Ọnii ọ siẹe ne a na ma gha otọ ne ẹwae Livai zẹ vbene ẹwae nekpa ye. Emwi ne ọ sẹ iran obọ ke gha re ukpo ohẹn zẹ vbene Nọyaẹnmwa Osanobua uwa yan rẹn.)

Jọsua 13:14

E Mosis ma gha otọ ne ẹwae e Livai, sokpan, iran ghi gha viọ emwi ne a ya zọ ese ne a giẹn gie e Nọyaẹnmwa, enii ghi gha re ọghe iran zẹ vbene Nọyaẹnmwa tama e Mosis.