Nọmbas 18:19 - Edo Bible (E Baibol Ẹdo) Version 1996

¹⁹ “Emwi izẹọhẹ kpataki hia ne ivbi Izrẹl viọ gunmwẹ, I ya ẹe fi ohan ne uwẹ kevbe avbe ivbuẹ ne ikpia kevbe ne ikhuo ẹdẹdẹmwẹdẹ. Ile ne ai gbe obọ rra ne I gu uwẹ kevbe ivbuẹ ta ọ re ọna khin.”

Nọmbas 18:19 ပူးပေါင်းရင်းမြစ်များ

II Ọba 12:16

Igho ne a hae ye ahaewerriegbe izẹọhẹ, kevbe izẹọhẹ ọghe orukhọ ne a ru, a ma viọ enii ye uwu ẹkpẹti, avbe ohẹn ọ re ọ yan eni.

II Krọnikol 13:5

Wa ma rẹn wẹ ile etẹbitẹ ọ re Nọyaẹnmwa gu e Devid ta wẹ rẹn kevbe ivbi ẹre ọ re ọ gha rriọba yan Izrẹl ẹdẹdẹmwẹdẹ.

II Krọnikol 31:4

Ye vbe deba ọnii, ọba keghi wẹ ne avbe emwa gha viọ emwi ihaoko ne ọ khẹke avbe ohẹn kevbe Livai rre, ne iran miẹn ehe na wa rhie egbe ye ẹmwẹ emwi ne Uhi e Nọyaẹnmwa wẹ ne a gha ru.

Ẹksọdọs 29:27

“A gha ma ohẹn, ẹwẹe kevbe ekuawẹ ogho nii ne a gbe ya ru ẹe, a ghi ya fiohan mẹ zẹvbe izọhẹ kpataki, a ghi vbe muẹn ye efẹn ọkpa ne ohẹn.

Ezikiẹl 43:24

U ghi viọ iran bu mwẹ gha dee. Avbe ohẹn ghi zẹ umwẹ ku iran, iran ghi gien iran an zẹ vbe emwi ne a ya zọọ ese ghe mwẹ.

Levitikọs 2:13

Wa ghi ya umwẹ ye ọka hia ne uwa ya ha oko gie Nọyaẹnmwa rhunmwuda te umwẹ mudia ye ihe ile ne uwa vbe Osanobua ta ne egbe wa ghi gha ya umwẹ ye emwi iha oko hia.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 7:14

Ọ ghi ya obọkpa ọghe egbe ebrẹd ughughan na, zẹ ọhẹ kpataki gie Nọyaẹnmwa. Ohẹn ne ọ mu esagiẹn rhurhẹ ku aka ọre ọ yan rẹn.

Nọmbas 18:11

“Yevbe deba ọnii, izẹ ọhẹ kpataki ọvbehe hia ne ivbi Izrẹl viọ gun mwẹ, ọwuẹ khian gha nọ. Te ime viọ ehia ne uwẹ, kevbe ivbuẹ ne ikpia kevbe ne ikhuo rhinrin ẹdẹ. Ọmwa ne awua i ghi rrọ re egbe vbe uwu emwa ruẹn hia sẹtin rri ọe.

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

Nọmbas 31:29

Viọ iran ne Eliaza ne ohẹn zẹ vbe emwi ihaoko kpataki gie Nọyaẹnmwa.

Nọmbas 31:41

Ẹre Mosis na viọ ọghe igho uhunmwu ni gie Eliaza zẹ vbene Nọyaẹnmwa khare.

Diuteronomi 12:26

Wa ghi viọ emwi ihaoko uwa kevbe izẹọhẹ ne uwa ve Nọyaẹnmwa ẹre gha rrie ihe ọkpa ne a na ga.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.