Nọmbas 18:16 - Edo Bible (E Baibol Ẹdo) Version 1996

¹⁶ “Emọ gha rre uki ọkpa, ọre a gha na gha dẹlẹ iran werriegbe, igho ne a mwa yọ ne a ya dọe keghi re ukhiọnmwẹ esiliva isẹn, zẹ vbe ọmwa ne agbọn hia ye obọ yi.

Nọmbas 18:16 ပူးပေါင်းရင်းမြစ်များ

Ẹksọdọs 30:13

Emwa ne a rhirhi ka ba ẹre, te ọ gha ha inu igho ne a tie yọ, a ghi mwa rẹn zẹ vbe ne a ta ẹe ighẹ a ya mwa emwi vbe ẹvbo. Emwa hia ghi gha ha ọna zẹ vbe emwi izọhẹ gie imẹ.

Ẹksọdọs 38:24

Igoru hia ne a lo ya ru emwi vbe uwu ehe ne ọ huanrẹn (igoru ne emwa ya fi ohan ne Nọyaẹnmwa nọ) keghi sẹ uwan isẹn irrọvbe uri yan arriaisẹn eva (2,195) zẹ vbene a ya mwa emwi.

Ezikiẹl 45:12

“Omwa avbe emwi ni khua ghi gha re: Egẹrra ugie ghi gha re esikẹl ọkpa, Esikẹl iyeha ghi gha re emina ọkpa.

Levitikọs 27:25

Igho ne a gha tie ye ehia, ghi gha re vbene agbọn hia ye obọ yi.

Nọmbas 18:15

“Emọ ọdiọn hia ra aranmwẹ ne ivbi Izrẹl viọ gun mwẹ, ọwuẹ nọ. Sokpan, u ghi gha miẹn iran igho ne a ya dẹ ọmọ ọdiọn werriegbe, erriọ u ghi vbe gha miẹn iran igho ne a ya dẹlẹ avbe emọ ọdiọn werriegbe.

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

Nọmbas 3:46

Vbene a ghi na miẹn wẹ emọ ọdiọn ikpia ọghe ivbi Izrẹl ya eha yan ekigbe siyenẹ yan uri (273) bun sẹ ivbi e Livai, wa ghi dẹlẹ avbe emọ ni dekẹe werriegbe.

Nọmbas 3:47

Wa ghi hae ikpẹ esiliva isisẹn ye ọkpọkpa zẹ vbe ive ne a yobọ yi.