Nọmbas 18:10 - Edo Bible (E Baibol Ẹdo) Version 1996

¹⁰ Ehe nọhuanrẹn ọre u gha na gha rri avbe emwi na, ikpia ọkpa ọre ọ gha rri ọe. Kae ye emwi ne a ya ru emwi.

Nọmbas 18:10 ပူးပေါင်းရင်းမြစ်များ

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Levitikọs 10:13

Wa rri ọe vbe ehe ne ẹ i mwẹ awua, ne ọ khẹke uwa vbe ivbi uwa vbe uwu evbare ne a rhie gie Nọyaẹnmwa nọ. Emwi ne Nọyaẹnmwa tama mwẹ ọre ọnii khin.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 14:13

Ọ ghi gbe ovbi ohuan amwẹ nii vbe ehe ne a na gbele aranmwẹ ese orukhọ ke ọghe ese ne a giẹn uan. Ọ ghi ru ẹe vberriọ, rhunmwuda, izọese a hae werriegbe, zẹ vbene ese orukhọ vbe ye, avbe ohẹn ọre ọ yanrẹn, emwi ne ọ huanrẹn ẹsẹse ọre nọ.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 6:16

Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 6:26

Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

Levitikọs 6:29

Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

Levitikọs 7:6

Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Nọmbas 18:11

“Yevbe deba ọnii, izẹ ọhẹ kpataki ọvbehe hia ne ivbi Izrẹl viọ gun mwẹ, ọwuẹ khian gha nọ. Te ime viọ ehia ne uwẹ, kevbe ivbuẹ ne ikpia kevbe ne ikhuo rhinrin ẹdẹ. Ọmwa ne awua i ghi rrọ re egbe vbe uwu emwa ruẹn hia sẹtin rri ọe.

Nọmbas 18:9

Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.