Nọmbas 17:11 - Edo Bible (E Baibol Ẹdo) Version 1996

¹¹ E Mosis keghi ru vbene Nọyaẹnmwa khare.

Nọmbas 17:11 ပူးပေါင်းရင်းမြစ်များ

II Krọnikol 19:10

Ẹghẹikẹghẹ ne emwa ẹvbo na ne ihua a ya do gui ma uwa vbe ekpa izigha ọyẹvbu, ra a rra uhi, ra iyi ne ọ rhirhi a gha khin, wa ghi hẹko ma iran ẹre vbene iran gha ru hẹ vbe iran a gha gui ẹzọ nii, ne iran ghẹ ya rra uhi ọghe a rukhọ ghe Nọyaẹnmwa. Deghẹ ẹ i re te uwa ru vberriọ, wẹ kevbe emwa ẹvbo ruẹ ne ihua gha họn ẹmwẹ obọ ne ọ tọn ọghe ohu e Nọyaẹnmwa vbe egbe. Sokpan, a dẹghe wa winna iwinna uwa, wa i ra rri abe.

Levitikọs 16:15

Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii.

Levitikọs 16:16

Odẹ vberriọ, ọre ọ gha ru iruemwi ne a ya kpe awua kua hin Ehe Nọhuansẹ Ehia rre, hin obọ emwi awua ivbi Izrẹl rre, kevbe hin obọ orukhọ iran hia rre. Ọ ghi ru Owa Ukpọn Ile vberriọ rhunmwuda adesẹneva agọ ne awua ye nii ọre ọ ye.

Nọmbas 11:33

Emiowo ma he fo, ọ wa ye bun ne iran gha re vbe otọ, ohu iran ke mu e Nọyaẹnmwa, ọ na gie okpemianmwẹ la uwu ẹbu iran.

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 17:12

Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ!