Nọmbas 16:48 - Edo Bible (E Baibol Ẹdo) Version 1996

⁴⁸ Ọna keghi da egboghogbogho nii obọ yi, rẹn keghi mudia ye ẹkpo emwa ni rre agbọn kevbe eni wulo.

Nọmbas 16:48 ပူးပေါင်းရင်းမြစ်များ

II Samuẹl 24:25

Ọ keghi gba aka ye evba ne Nọyaẹnmwa, ọ na zọ ese ne a giẹn uan kevbe isara. E Nọyaẹnmwa keghi họn erhunmwu ẹnrẹn, egboghogbogho nii keghi dobọyi vbe Izrẹl.

Psalm 106:30

Sokpan, e Finihaz kpaegbe ọ keghi rri iran ni ru emwi khọ oya, egboghogbogho ni keghi dobọyi.

Nọmbas 16:18

Ẹre dọmwadẹ ọghe ọe na mu ọkpan erhẹn ọnrẹn, ọ keghi wan erhẹn yọ ba eturari, iran keghi deba e Mosis kevbe Errọn mudia ye onurho Owa Ukpọn Ile.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Nọmbas 16:47

Errọn keghi ru vberriọ, ọ keghi rhie ọkpan erhẹn ọnrẹn, ọ keghi rhulẹ la adesẹneva emwa ni si koko nii. Rẹn ghi miẹn ighẹ egboghogbogho nii suẹn nẹ, ọ keghi viọ eturari ye erhẹn nii, ọ keghi ru iruemwi akpehuan ne emwa nii.

Nọmbas 16:49

Inu emwa ni wulo kegha re iyisẹn yan uri eha ọre ọ ya yan arriaisẹn iwenẹ (14,700) vbe ne a ma na ka iran ni wulo ba ẹmwẹ isọtẹ e Kora ba ẹre.

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.