Nọmbas 16:46 - Edo Bible (E Baibol Ẹdo) Version 1996

⁴⁶ Ẹre Mosis na tama Errọn wẹẹ, “Rhie ọkpan erhẹn ruẹn, wan erhẹn yọ vbe ne ọ rre aka, ne u vbe viọ eturari ye erhẹn nii. U ghi zẹgiẹgiẹ bu emwa na ne u ya ru iruemwi akpehuan ne iran na. Ẹgiẹgiẹ! Ohu e Nọyaẹnmwa vẹn nẹ. egboghogbogho suẹn nẹ.”

Nọmbas 16:46 ပူးပေါင်းရင်းမြစ်များ

I Krọnikol 27:24

E Joab ne a tie iye ẹe e Zeruaia keghi suẹn gha ka ẹvbo sokpan, ọ ma kae fo. Osanobua keghi rri ivbi Izrẹl oya rhunmwuda, ikẹvbo na, rhunmwuda ọnii, a ma ghi gbẹn inu ne ọ khin ye ebe ọghe Devid ne ọba.

Psalm 106:29

Iran keghi ya uyinmwẹ iran na, gu izohu Osanobua kpao, emianmwẹ dan keghi la uwu ẹbu iran.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Habakọk 3:5

Ọ gie emianmwẹ ke odaro irẹn ọ na wẹ ne uwu lele irẹn iyeke.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 11:33

Emiowo ma he fo, ọ wa ye bun ne iran gha re vbe otọ, ohu iran ke mu e Nọyaẹnmwa, ọ na gie okpemianmwẹ la uwu ẹbu iran.

Nọmbas 18:5

Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Nọmbas 25:8

ọ na lele okpia nii vbe okhuo nii la uwu owa ukpọn, ọ na ye asoro nii ha iran eva fua. Erriọ ọre a ghi ya dobọ egboghogbogho ne ọ te gha fuẹn ivbi Izrẹl rrie yi.

Nọmbas 8:19

Mẹ keghi viọ iran ne Errọn kevbe avbe ivbi ẹre zẹ vbe emwi izẹọhẹ ke obọ ivbi Izrẹl rre, ne iran gha ru ugamwẹ mẹ vbe uwu Owa Ukpọn Ile ne ivbi Izrẹl, kevbe ne ọ degue iran hin obọ ẹbe ne ọ gha te rruan iran vbe iran a sikẹ Ehe Ne ọ huanrẹn nii gbe.”

Diuteronomi 9:22

“Wa keghi vbe ya ohu mu e Nọyaẹnmwa Osanobua rua ẹghẹ ne uwa na gha rre Tabẹra, Masa kevbe Kibrot Hatava.