Nọmbas 16:41 - Edo Bible (E Baibol Ẹdo) Version 1996

⁴¹ Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”

Nọmbas 16:41 ပူးပေါင်းရင်းမြစ်များ

I Ọba 18:17

Ehab ghi bẹghe ẹre, ọ tama rẹn wẹẹ, “Wẹ ọ na khin ọ gbe ẹti ne ọ rhia sẹ vbe otọe Izrẹl.”

Psalm 106:13

Sokpan, banbanna, iran vbe mianmian iwinna ne ọ winna ẹn nẹ, iran na gha ru emwi, vbe ne ai na dia khẹ vbene ọ kha hẹ.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Jerimaia 43:3

E Barọk ne ovbi e Neria ọ re ọ kpe ekpe ruẹ ye ima egbe, ne obọ ivbi e Babilọn miẹn ehe na ke okhunmwu ne ọghe ima ne a miẹn wẹ adeghẹ iran ma ghi gbele ima an, iran ghi viọ ima gha rrie Babilọn.”

Emọs 7:10

Amezaia ne ohẹn ne ọ rre Bẹtẹl keghi gie ne a tama Jeroboam ne Ọba Izrẹl wẹẹ, “Emọs gha khuan isọtẹ khẹ ruẹ vbe ehe ne avbe emwa ye. Ẹmwẹ ne ọ guan gha wa fuẹn uhunmwu ẹvbo na.

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Matiu 5:11

“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.