Nọmbas 16:39 - Edo Bible (E Baibol Ẹdo) Version 1996

³⁹ Ọre Eliaza ne ohẹn ne viọ ọkpan nii, ọ na dunmwu ehia ya khian ọkpan fẹrhẹfẹrhẹ ne ọ ya gha gue aka.

Nọmbas 16:39 ပူးပေါင်းရင်းမြစ်များ

I Krọnikol 24:2

E Nadab kevbe Abihu ọ re ọ ka wu khẹ erha iran, iran ma vbe biẹlẹ, ọ re etẹn iran ighẹ Eliaza kevbe Itama na gha re ohẹn.

II Krọnikol 26:18

Ne iran ya da ẹre obọ ẹre yi. Iran tama rẹn wẹẹ, “Uzaia, u i mwẹ asẹ ne u ya giẹn eturari ghe Nọyaẹnmwa. Avbe ohẹn ni re uniẹn Errọn, emwa ne avbe ma re ohẹn yọ, ọ re ọ ru ẹe. Kpa vbe ehe ne ọ huanrẹn na rre, u sẹmwẹ e Nọyaẹnmwa Osanobua, ẹ i ghi fiangbuẹ ọvbehe.”

Nọmbas 16:38

Iran khian emwi iruemwi vbe a viọ iran gha die aka e Nọyaẹnmwa. Rhunmwuda onii viọ ọkpan ọghe avbe emwa na ne a gbele ye ẹmwẹ orukhọ iran, dunmwu ẹn ya khian avbe ọkpan fẹrhẹfẹrhẹ ne u yae gha gue aka. Ọ na ghi gha re ne a miẹn wan ne ivbi Izrẹl.”

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.