Nọmbas 16:33 - Edo Bible (E Baibol Ẹdo) Version 1996

³³ Erriọ ọre iran na ya ẹmwẹ ne unu la otọe iran ni wulo nẹ, deba emwi ni iran mwẹ hia. Otọe keghi hu ran gue iran, iran na khian ne a ma ghi miẹn.

Nọmbas 16:33 ပူးပေါင်းရင်းမြစ်များ

Psalm 141:7

Zevbe erhan ne a sọre, ne avbe giẹgiẹ ye otọ, erriọ ọ re ugboloko iran zagha lele ọkpẹn idin.

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 55:15

Te avbe eghian mwẹ gha fian wu; te iran gha ye owẹ khian la ẹvbo emwa ni wulo nẹ. Ọkhọ rre owa iran kevbe ekhọe iran.

Psalm 55:16

Sokpan, mẹ kpe tie Nọyaẹnmwa Osanobua ne ọ yọmwẹ obọ, ọ gha miẹn mwẹ fan.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 69:15

Ghẹ gie amẹ ni lẹ rhu mwẹ, ghẹ gie ẹzẹ gbe mwẹ ye uwu odin, ra ne I dinmwi la uwu idin.

Psalm 9:15

Iran ni ma yayi dele ye uvun ne iran tọẹn. Ifi ne iran khuẹn munọ iran.

Aizaia 14:15

Sokpan ne ọ gha na te gha yerriọ, a sii ọ fi ehe ne ọ dinmwi sẹẹ vbe ẹvbo ne iran ni wulo nẹ ye vbe ototọ.

Aizaia 14:9

“Agbọn avbe emwa ni wulo nẹ, wa mu egbe ne iran ya gbe ọbokhian ne ọba e Babilọn. Orhiọn avbe emwa ni gha mwẹ ẹtin vbe agbọn, gha khian yo khian rre. Orhiọn avbe ọba gha guakpao vbe ẹkete iran.

Aizaia 38:18

A i miẹn ne ọ gha rho ruẹ vbe agbọn iran ni wulo nẹ; orinmwi i sẹtin mu ẹtin yan ẹmwata ruẹ.

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Ezikiẹl 32:18

“Ovbi ọmwa, gha khiẹ avbe emwa ọkhọngborrie ni rre Igipt. Viọ iran ba avbe uhunmwu ẹvbo ni wegbe ọvbehe hia ni rre agbọn na gha rrie ẹvbo avbe emwa ni wulo nẹ.

Ezikiẹl 32:30

“Avbe ivbiọba ni rre odẹ ahọ hia rre evba, erriọ avbe ivbi Saidọn vbe ye, ẹtin ne iran te mwẹ ugborrirri te gha nọ, sokpan, banbanna nian, iran khian emwa ne a fara a la idin, deba avbe emwa ne a gbele vbe okuo, a keghi re iran vbe ne a ma na rhuẹ iran. Iran keghi vbe ghae vbe efaa ọghe iran ni kpao gha rrie ẹvbo avbe emwa ni wulo nẹ.

Nọmbas 16:32

Ọ keghi minọ iran kevbe avbe ẹgbẹe iran re, deba irogho e Kora kevbe emwi ni iran mwẹ hia.

Nọmbas 16:34

Emwa Izrẹl ni rre evba ghi họn vbe iran tulo, iran keghi lẹ, iran datu wẹẹ, “Wa lẹẹ, ne otọ ghẹ vbe minọ ima re deba re.”

Nọmbas 22:33

Sokpan, ekẹtẹkẹtẹ ruẹ bẹghe mwẹ, ọ na biegbe igba eha. Akpawẹ ẹ i re vberriọ, I gha gbe ua, I ghẹ ghi sẹ ekẹtẹkẹtẹ rae.”

Nọmbas 26:11

Sokpan, a ma gbele ivbi e Kora.)

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.