Nọmbas 16:30 - Edo Bible (E Baibol Ẹdo) Version 1996

³⁰ Sokpan, a deghẹ e Nọyaẹnmwa ghi ru emwi eso ne a ma he họn egbe ọre ẹdẹ, ighẹ otọ rhan unu, ọ na minọ iran re deba emwi ne iran mwẹ hia, iran na ya ẹmwẹ ne unu la ehe ne iran ni wulo nẹ ye, wa ghi rẹn wẹ te iran na he Nọyaẹnmwa.”

Nọmbas 16:30 ပူးပေါင်းရင်းမြစ်များ

Job 31:2

Vbe Osanobua ne Udazi ru ima hẹ yi? Vbe ọ ya ha osa ye uyinmwẹ emwa nagbọn hẹ?

Job 31:3

Ọ ghi mu ọfuan kevbe ọrhiae, giẹ avbe emwa ni ru emwi dan.

Psalm 124:3

te iran gha wa minọ ima kevbe ẹmwẹ ne unu re, vbe uwu ohu dan ne iran mu ghe mwa;

Psalm 55:15

Te avbe eghian mwẹ gha fian wu; te iran gha ye owẹ khian la ẹvbo emwa ni wulo nẹ. Ọkhọ rre owa iran kevbe ekhọe iran.

Aizaia 28:21

E Nọyaẹnmwa gha gbinna zẹ vbene ọ ru vbe uhunmwu Oke Pẹrazim kevbe vbe iya e Gibiọn, ne ọ miẹn ehe na ru vbene ọ wẹ rẹn ra ru vbene ọ khọnrẹn ne emwi ne ọ ru a ya gha re ne a ma he miẹn egbọre ẹdẹ hẹ. Ọ gha winna iwinna rẹn gba, iwinna ọyunnuan nii.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Nọmbas 16:31

Ọwarọkpa nii vbe ọ wa da guan fo, otọ keghi rhan unu an vbe ehe ne Datan kevbe Abiram ye.

Nọmbas 16:33

Erriọ ọre iran na ya ẹmwẹ ne unu la otọe iran ni wulo nẹ, deba emwi ni iran mwẹ hia. Otọe keghi hu ran gue iran, iran na khian ne a ma ghi miẹn.