Nọmbas 16:29 - Edo Bible (E Baibol Ẹdo) Version 1996

²⁹ A deghẹ avbe emwa na wu uwu ẹhi, vbene irrioya ne ọ ke obọ Osanobua rre i na rrọ, ọnii rhie maa wẹ, e Nọyaẹnmwa ma gie mwẹ.

Nọmbas 16:29 ပူးပေါင်းရင်းမြစ်များ

I Ọba 18:36

Ọ ghi sẹ ẹghẹ ne a ya zọ ese ogiavan, Elaija ne akhasẹ keghi sikẹ aka, ọ keghi na erhunmwu wẹẹ, “E Nọyaẹnmwa, Osanobua Ebraham, Aizik, kevbe Jekọb, rhie maa nian ighẹ wẹ ọrọre Osanobua Izrẹl kevbe wẹ ọguọmwadia ruẹ mẹ khin, kevbe wẹ emwi ne I ru na hia, wẹ ọre ọ gie mwẹ.

I Ọba 22:28

E Makaia keghi datu wẹẹ, “U gha ye egbe hẹnnẹdẹn rre, ọnii rhie maa wẹ ẹ i re Nọyaẹnmwa ọre ọ gie mwẹ uhunmwu.” Ọ keghi kha wẹẹ, “Wa hia họn vbene I kha hẹ na!”

II Krọnikol 18:27

E Mikaia ke kha wẹẹ, “U gha miẹn uhunmwu ya rre, u ghi rẹn wẹ, e Nọyaẹnmwa ma gunmwẹ guan.” Ọ ke rhie te ẹe wẹẹ, “Wa họn vbene I kha hẹ.”

Job 35:15

U ro wẹ Osanobua i rri ọmwa oya, wẹ, ẹ i mobọ zẹye ẹmwẹ orukhọ.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Asan-Ibo 3:19

Agbọn hia rẹnrẹn ighe emwi okpa ọ re ọ ra rruan ọmwa kevbe aranmwẹ. Vbene okpa wu ọ re nọkpa vbe wu. Emwi ne a yi okpa ọ re iran eveva khin. Ọmwa nagbọn ma maa sẹ aranmwẹ rhunmwuda, agbọn na i mwẹ esa ne ọ ye ne erhọkpa.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Jerimaia 5:9

Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Arhie Maan 11:5

A deghẹ ọmwaikọmwa te ho ne ọ ru iran emwi, erhẹn ghi ke uwu unu iran ladian, ọ ghi giẹn eghian iran uan. Vberriọ zẹẹ ọre a gha ya gha gbele iran uan ighẹ iran ni te ho ne iran kuan iran.