Nọmbas 16:22 - Edo Bible (E Baibol Ẹdo) Version 1996

²² Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:22 ပူးပေါင်းရင်းမြစ်များ

Gẹnẹsis 18:32

Ebraham keghi kha wẹẹ, “Lahọ ghẹ mu ohu Nọyaẹnmwa, I gha ye guan uhukpa na kẹkan. A deghẹ igbe kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ọẹn ruan a deghẹ a miẹn igbe vbọ.”

II Samuẹl 24:1

Vbe ẹghẹ ọkpa ohu Izrẹl kegha mu e Nọyaẹnmwa, ọ na sua e Devid ne ọ mu ọlọghọmwa gie iran. E Nọyaẹnmwa na tama rẹn wẹẹ, “Ya ka emwa Izrẹl kevbe Juda.”

II Samuẹl 24:17

E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Jerimaia 32:27

“Mẹ ọrọre Nọyaẹnmwa, ne ọ re Osanobua emwa nagbọn hia. Emwi okpa i rrọọ ne ọ wegbe gbe ne imẹ.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Nọmbas 14:5

Ẹre Mosis kevbe Errọn na vbokho egbe rriotọ vbe odaro emwa nii.

Nọmbas 16:23

E Nọyaẹnmwa keghi tama e Mosis wẹẹ,

Nọmbas 16:4

Ugbẹn vbe Mosis họn ẹmwẹ na, ọ keghi de gbe otọ, ọ na na erhunmwu.

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Nọmbas 27:16

“E Nọyaẹnmwa ne Osanobua, ehe ne arrọọ hia ke rre, lahọ zẹ ọmwa ne ọ gha sẹtin su emwa na.

Ebe ne Pọl gbẹẹn gie emwa Rom 5:18

Zẹ vbene orukhọ ya emwa hia rri abe, erriọ vbe nọ, emwi ẹmwata ọkpa ne a ru keghi vbe fannọ emwa hia ye otọ, ọ keghi vbe rhie arrọọ ne iran.

I Kọrinti 13:7

Ẹtin i fo aho ẹmwẹ ọmwa ne ọ zobọ iyayi, idaehọ kevbe i ziengbe ẹre i fi raa.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.

Jọsua 22:18

Te uwa ghi ra fi iyeke gbe e Nọyaẹnmwa ra? Wa gha sọtẹ ghe Nọyaẹnmwa ẹrẹna, ohu ivbi Izrẹl hia gha mu ẹẹn ẹdẹnakhuẹ.