Nọmbas 16:14 - Edo Bible (E Baibol Ẹdo) Version 1996

¹⁴ Vbe ẹmwata, u ma viọ ima gha die otọ nọ maa ra ne u mu oha kevbe ugbo emwi okọ ne ima zẹ vbe ọghomwa, eban nia, u vbe ho ne u mu ima rẹrẹ. Ma i dee!”

Nọmbas 16:14 ပူးပေါင်းရင်းမြစ်များ

Ẹksọdọs 22:5

“Omwa gha gie emwirri ẹre ya gha rri irunmwu khian vbe ehe hia ra ugbo emwiokọ, deghẹ iran ghi mu va iran na ya rri oha ẹrrẹe, ọ ghi ya oha ẹre ne ọ maa sẹ ra ugbo emwiokọ ẹre ne ọ maa sẹ ha osa.

Ẹksọdọs 23:10

“Wa ghi ya ukpo ehan gha kọ emwi ye otọ rua ne uwa vbe gha rhọ emwi ne ọ mọ ẹn vbọ.

Ẹksọdọs 23:11

Sokpan vbe ukpo ne ogihinrọn, wa ghi gie ẹe hẹwẹ, wa ghẹ rhọ emwiokọ ne ọ mọ vbọ. Ivbiogue nii rre uwu uwa sẹtin ya rri emwi ne ọ mọ vbọ, aranmwẹ oha ghi rri enọdekẹe. Erriọ wa gha vbe gha ru ugbo emwiokọ kevbe ọghe oha uwa.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Nọmbas 13:27

Iran keghi tama e Mosis wẹẹ, “Ma ya ghe ẹvbo ne u gie ima ẹre ghe nẹ, otọe ne ẹfe ye ke vbe ne ọ maa emwiokọ nọ, usun ọmọ erhan ni rrọ ọre ena khin.

Nọmbas 14:8

A deghẹ ẹko Nọyaẹnmwa rhiẹnrhiẹn ghe mwa, ọ gha viọ ima gha rrie evba, ọ ghi mu otọ ne ẹfe vuọn kevbe ne ọ maa emwi okọ nii ne ima.

Nọmbas 20:5

Vbọzẹ ne uwa na viọ ima ke Igipt ladian gha die ihe ọ rhiae na ne emwi i na zọ? Ọka i rrọ, ohọ i rrọ, ọmọ erhan ayọn ne ọ baa i rrọ, e pomegranẹt i rrọ. Amẹ na wọn kẹkan ẹ i rrọ!”

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.

I Samuẹl 11:2

E Nahas keghi wanniẹn wẹẹ, “I gha gu uwa ta ẹe kugbe a deghẹ wa kue yọ vbenian: ne I wọlọ aro obọ erha ọmwa ọghe dọmwadẹ ọghe ọe kua ne I ya ọnii fa Izrẹl hia a.”