Nọmbas 16:13 - Edo Bible (E Baibol Ẹdo) Version 1996

¹³ Ne u na viọ ima ke otọ esiesi vbe Igipt ladian ne u do gbele ima an vbe uwu ẹgbo na ma he ye sẹ ra? Te u ghi ra vbe gha ya ima ru ẹe rua ba onii ra?

Nọmbas 16:13 ပူးပေါင်းရင်းမြစ်များ

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Ezikiẹl 34:18

Ẹko e ne uwa na rri irunmwu ni ghi maa sẹ ma vuọn uwa, te uwa ya owẹ rrilo ne uwa ma re vbọ muotọ! Wa wọn amẹ nọhianrẹn, sokpan, wa ghi ya tughu ne uwa ma wọn vbọ ua.

Nọmbas 11:20

Sokpan la uki hoho, rhinrin ọ te la uwa ehọ ladian, rhinrin ọ te do khan uwa. Ọ na gha sunu rhunmwuda ne uwa na he Nọyaẹnmwa, ne ọ gu uwa rre emwa na, wa gui ma rẹn wẹ ọ ma te kei ne uwa kpa hin Igipt rre?”

Nọmbas 11:4

Emiowo keghi wa kakabọ gha khọn avbe erhunmwuyẹn ni lele ivbi Izrẹl khian, avbe ivbi Izrẹl tobọ iran na vbe suẹn gha gui ẹzọ uwunu wẹẹ, “Vbọ rrọọ akpawẹ ma miẹn emiowo re nian!

Nọmbas 11:5

Ẹghẹ ne a na rre Igipt, ma ghi rri ehẹn ne ọ khan mwa, avbe umwẹkhẹn, ogi, ebe afọ, alubarha ke ohọ ne ima gha re!

Nọmbas 13:27

Iran keghi tama e Mosis wẹẹ, “Ma ya ghe ẹvbo ne u gie ima ẹre ghe nẹ, otọe ne ẹfe ye ke vbe ne ọ maa emwiokọ nọ, usun ọmọ erhan ni rrọ ọre ena khin.

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 14:3

Vbọzẹ ne Nọyaẹnmwa na viọ ima rrie ẹvbo nii yi? Iran gha gbele ima rua vbe okuo, iran ghi munọ avbe ivbi ima kevbe amwẹ ima oghunmwu viọ gha rrie. Ẹre a wa werriegbe gha rrie Igipt ọre ọ maa sẹ.”

Nọmbas 16:12

Ẹre Mosis na gie ne a tie Datan kevbe Abiram, sokpan iran keghi kha wẹẹ, “Ma i dee!

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iwinna 7:35

“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa.