Nọmbas 15:8 - Edo Bible (E Baibol Ẹdo) Version 1996

⁸ A gha ya ẹmila zọ ese na giẹn uan ra ese ne a ya mu eyan sẹ ra ne a ya sisara,

Nọmbas 15:8 ပူးပေါင်းရင်းမြစ်များ

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 22:21

Deghẹ ọmwa ya emwi sisara gie Nọyaẹnmwa, ọre ne ọ ya mu eyan sẹ nọ ra ọghe ọ ke ekhọe rre, ọ kere ne aranmwẹ nii gha rre ne ẹ i mwẹ okan, adeghẹ a gha rhan obọ miẹn rẹn.

Levitikọs 3:1

“Omwa gha ya ọkpa vbe uwu ẹmila obọ ẹre sisara, ọ kere ne ọ gha re ẹkhuia ra ẹmila amwẹ ne ẹ i mwẹ okan.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Nọmbas 15:24

A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.

Nọmbas 15:7

ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa.

Nọmbas 15:9

a ghi rhie ọhẹ ọghe ọka lelẹe, uwan irhuarhua ehan ne a ya ọgọ ofigbọn oliv isẹn gbe,

Nọmbas 8:8

Avbe Livai ghi mu ovbi ẹkhuia ẹmila kevbe ihaoko ọka ọghe irhuarhua ne a ye ofigbọn oliv gbe, wẹ ghi mu ẹkhuia ne ogieva ọghe izọese orukhọ mwẹ.