Nọmbas 15:40 - Edo Bible (E Baibol Ẹdo) Version 1996

⁴⁰ Iran gha ye uwa rre ne uwa gha rhie uhi mwẹ hia mwẹ, wa ghi do gha re ọghomwẹ fẹẹrẹ.

Nọmbas 15:40 ပူးပေါင်းရင်းမြစ်များ

Psalm 103:18

Vbe uwu iran ni ru vbene uhi ẹre khare, kevbe ni ye ekhọe ẹmwata ẹmwata mu uhi ẹre sẹ.

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.

Levitikọs 22:31

E Nọyaẹnmwa keghi kha wẹẹ, “Wa gha ya uhi mwẹ ru emwi, mẹ ọ re Nọyaẹnmwa.

Nọmbas 15:41

Mẹ ọ re Nọyaẹnmwa Osanobua rua. Te I viọ uwa ke Igipt ladian ne I do gha re Osanobua uwa. Mẹ ọ re Nọyaẹnmwa.”

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Kọlose 1:2

Gie emwa Osanobua ni rre Kọlose, iran ni re etẹn ẹmwata vbe uwu Kristi. Te Osanobua ne Erha mwa gha rhie ẹsọhẹ kevbe ọfumwegbe ne uwa.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.