Nọmbas 15:39 - Edo Bible (E Baibol Ẹdo) Version 1996

³⁹ Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Nọmbas 15:39 ပူးပေါင်းရင်းမြစ်များ

I Ọba 12:33

Ọ ghi sẹ ikpẹdẹ ekesugie ọghe uki ne ogiẹrẹnrẹn, vbe ẹdẹ ne irẹn bu ẹre yi, ọ kegha rrie Bẹtẹl ọ na ya ru emwiukpo ne irẹn tobọ ẹre mu gbọọ ne ivbi Izrẹl vbene irẹn na zọ ese vbe aka ni.

Job 31:7

Adeghẹ I biegbe lahin odẹ ẹmwata rre, ra ne emwi viẹn yọ mwẹ aro ghe ọkhọ, adeghẹ orukhọ ya iruẹn yọ mwẹ obọ,

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Itan 28:26

Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Jerimaia 9:14

Sokpan iran keghi zevbudu, iran ke ya gha gho e Baal ne ẹbọ, zẹ vbene avbe erha iran ma iran re ne iran gha ru.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Diuteronomi 29:19

Wa ghẹ gie a miẹn wẹ orhiọnkpa rre emwa na ẹrẹ ne ọ họn avbe emwi ọghọ ne a wẹ ne a gha ru ẹrẹna, ọ na ye gha ro ighẹ emwi gha dunna ne irẹn, ọ gha khọn irẹn ne irẹn ya izevbeudu gha ru vbene ọ khọn irẹn. Emwi na gha fuẹn uwa hia a, kevbe ne ọ ma an, kevbe nẹ i ma an.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Diuteronomi 6:12

Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Diuteronomi 8:11

“Wa gie a miẹn wẹ wa ma mianmian e Nọyaẹnmwa Osanobua rua, wa ghẹ mwẹ wa ma gha ya uhi ẹre ne I ma uwa ẹre ẹrẹna ru emwi.

Diuteronomi 8:14

Wa ghẹ gie a miẹn wẹ te uwa ghi tọn egbe mu ne uwa ya mianmian e Nọyaẹnmwa Osanobua rua ne ọ viọ uwa ke Igipt ladian rre vbe ehe ne uwa na te re eviẹn.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?