Nọmbas 15:30 - Edo Bible (E Baibol Ẹdo) Version 1996

³⁰ Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 15:30 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Job 38:15

Awanwan uwanmwẹ ẹdẹ wegbe ne ọmwa dan gbe, ọ ghi gha da iran obọ emwi ika ne a ru yi.

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Psalm 69:9

Vbe ne I mu aro ye ẹmwẹ Ọgua Osa ruẹ hẹ giẹn vbe uwu imẹ zẹ vbe erhẹn, unu ne a filo guẹ hia dele yan mwẹ.

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 74:22

Rhiọrre Osanobua ne u khọn ekhae ne egbe ruẹ, yerre wẹ, avbe emwa ni ma rẹn ruẹn wa giẹ uwẹ ne ebi ro.

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Psalm 89:51

Avbe eghian ruẹn, gha rhovbiẹ ọba ruẹ ne u hannọ zẹ Nọyaẹnmwa, iran ghigha rhovbiẹ ọe vbe ehe ne ọ rhirhi a la.

Ẹksọdọs 21:14

Sokpan, ohu gha mu ọmwa ọ na wa rẹn gbe ọmwa ọvbehe ya, wa sẹtin kue si ẹe hin aka mwẹ rre ne a ya gbe ẹe rua.

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Itan 14:31

U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.

Ezikiẹl 20:27

“Rhunmwuda ọnii nian, ovbi ọmwa, tama ivbi Izrẹl vbene imẹ ne Nọyaẹnmwa ne Udazi kha ma iran hẹ, odẹ ọvbehe ne avbe erha iran ya la ekpa uyinmwẹ ne ọ ma gba iran yagha mwẹ, ọre ọna khin. Iran keghi ya ese ne iran gien ye ohu mu mwẹ kevbe ayọn ne iran ya zẹ ọhẹ rre.

Levitikọs 20:10

Omwa gha gu amwẹ ovbi Izrẹl ru oghẹ, a ghi gbele irẹn vbe okhuo nii uan.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Nọmbas 15:29

Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.

Matiu 12:32

Ọmwa gha fi. unu gie ovbi ọmwa, a gha ya bọe, sokpan ọmwa ne ọ fi unu gie Orhiọn Ne Ọ Huanrẹn, a i ya bọe nian ra ẹdẹdẹmwẹdẹ.

Diuteronomi 1:43

I keghi vbe tama uwa vbene Nọyaẹnmwa kha hẹ, sokpan wa ma zẹ yọ, wa keghi sọtẹ ghe ẹre, wa na ye uhiomwẹ uwa khọn la avbe ẹvbo oke nii.

Diuteronomi 32:27

Sokpan, mẹ i ra rhie otọ ne eghian iran ya gha rhuọ, wẹ iran khọn emwa mwẹ miotọ, vbe imẹ tobọ mwẹ dunmwu iran an nẹ.’

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.

I Samuẹl 3:14

Rhunmwuda ọnii, I keghi tua unu mu ẹẹn tama ẹgbẹe Elai wẹẹ, izọese ra izẹọhẹ ọkpa ne ọ gha sẹtin khian emwi ne ọ ra ke orukhọ dan na ikian hin rre, ẹ i rrọọ.”