Nọmbas 15:29 - Edo Bible (E Baibol Ẹdo) Version 1996

²⁹ Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Nọmbas 15:29 ပူးပေါင်းရင်းမြစ်များ

I Ọba 8:41

“A deghẹ orhunmwuyẹn ne ọ rre ẹvbo ne ọ rrei họn usi ruẹ, kevbe emwi ni kọnkọn ne u he ru ne emwa ruẹn, ọ na gha dee do ga kevbe ne ọ vbe na erhunmwu vbe Ọgua Osa na,

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 17:15

Ọmwaikọmwa, ne ọ rri emiowo aranmwẹ ne ọ de wu, ra ne aranmwakọn gbe, ọ re ivbi Izrẹl nọ ra orhunmwuyẹn. ọ ghi họ ukpọn rẹn, ọ ghi khuẹ, ọ ghi ziengbe sẹ ota, a ke do kha ighẹ awua i ghi guẹe.

Levitikọs 4:2

“Ne ọ tama ivbi Izrẹl wẹ ọmwaikọmwa gha rukhọ, ọ na rra uhi ẹ Nọyaẹnmwa, vbene ẹ i na re ẹmwẹ ọnrẹn, emwi ne ọ gha ru ena khin.

Nọmbas 15:15

Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa.

Nọmbas 15:28

Ohẹn ghi ru iruemwi akpehuan vbe aka ne ọ ya kpe ọmwa nii huan, a gha yabọe.

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 9:14

“A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”

Iyẹn ne ọ Maan Ọghe Luk 12:48

Sokpan ọguọmwadia ne ọ ma rẹn emwi ne arowa ẹre ho, ne ọ vbe ru emwi ne ọ kere ne a gbẹe asan yi, asan kherhe ọre a ra gbe ẹre re. Ọmwa ne a viọ ni bun na ọre a ye aro ye enibun vbe obọ ẹre, ọmwa ne a viọ ni bun sẹ na, a gha vbe ye aro ye ni bun sẹ vbe ohọ ẹre.

Jọsua 8:33

Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.