Nọmbas 15:21 - Edo Bible (E Baibol Ẹdo) Version 1996

²¹ Erriọ ọ re a ra gha zẹ ọhẹ kpataki na gie Nọyaẹnmwa vbe uwu irhuarhua ne a ka gha gbe vbe a ghẹ ghi rhọ emwi okọ nẹ rhinrin ẹdẹ.

Nọmbas 15:21 ပူးပေါင်းရင်းမြစ်များ

Nehimaia 10:38

Avbe Livai gha koko aghaeyihigbe vbe obọ emwa, avbe ohẹn ni re ivbi uniẹn Errọn ghi mudia ke iran, avbe Livai ghi viọ obọkpa vbe uwu igbe vbe aghaeyihigbe ne iran koko, ye aza vbe Ọgua Osa ne a miẹn gha lo vbe Ọgua Osa.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 29:28

Iyi etẹbitẹ mwẹ nọ wẹ avbe emwa mwẹ gha si isara, ẹwẹe kevbe ekuawẹ aranmwẹ nii ọghe ohẹn nọ, ne a kha na, emwi ne iran ya zẹ ọhẹ gie imẹ ne Nọyaẹnmwa ọre nọ.

Ezikiẹl 44:30

Avbe ohẹn ọ re ọ kerre ne gha viọ avbe emwi ne ọ maa sẹ vbe emwi orhọ ne a ka gha rhọ hia kevbe avbe emwi ọvbehe ne a ya yo imuohan gunmwẹ hia fẹẹrẹ. Ẹghẹikẹghẹ ne emwa nii a rhirhi ya le ebrẹd, iran ghi gha mu ne okaro vbọ gie ohẹn zẹ vbe emwi ihaoko, afiangbe mwẹ gha vbe gha rre owa iran.

Levitikọs 23:14

Wa ghẹ rri ọka orhọ nii ọghọgbọn, na tọẹn ra ne a ya ẹe ru ebrẹd vbe ẹ i re te uwa ka zẹ ọhẹ ọghe emwiokọ ọka ne okaro gie Osanobua nẹ. Wa ghi wẹ ne ivbi uwa gha ya emwamwa na ru emwi ẹdẹdẹmwẹdẹ.

Nọmbas 15:20

Iyeke vbe a ghẹ ghi rhọ emwi okọ nẹ ukpukpo, a ghi mu vbe ebrẹd ne a ka ya ẹe le ighẹ ọka ne a rhọ vbọ, ne a ya zẹ ọhẹ kpataki gie Nọyaẹnmwa. Vbene a ya ọka ne a ka gha wiẹn zẹ ọhẹ kpataki, erriọ ọre a ra vbe gha ya ọna zẹ ọhẹ.

Nọmbas 15:22

Sokpan, a deghẹ a ghi miẹn ọmwa ne ọ rra avbe uhi na ne Nọyaẹnmwa viọ ne Mosis vbe ne ẹ i na re ẹmwẹ ọnrẹn,

Nọmbas 18:26

ne ọ tama avbe Livai wẹẹ, “Aghae yi ihe igbe ne ivbi Izrẹl viọ rre ne Nọyaẹnmwa ya ne uwa gha ghi sẹ uwa obọ nẹ, wa ghi ghae ẹre ye ihe igbe rhie obọkpa vbọ gie Nọyaẹnmwa zẹ vbe ihaoko kpataki.