Nọmbas 15:15 - Edo Bible (E Baibol Ẹdo) Version 1996

¹⁵ Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa.

Nọmbas 15:15 ပူးပေါင်းရင်းမြစ်များ

Ẹsta 9:27

Avbe Ju keghi yi uhi ye otọ ne egbe iran, ivbi uniẹn iran, kevbe avbe emwa ni gha dẹ egbe la e Ju wẹ ọ gha sẹ ẹghẹ ọre, a ghi gha ru emwi ukpo ikpẹdẹ eva na ukpo ukpo, zẹ vbene Modekai khare.

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 12:24

Wa ghi gha ru emwi na zẹ vbe iyi etẹbitẹ ne uwa kevbe ivbi uwa.

Ẹksọdọs 12:43

E Nọyaẹnmwa keghi tama e Mosis kevbe Errọn wẹẹ, “Ilele ẹmwẹ Alagberra ọre ena khin: A ghẹ gie ọrriọvbe rrie evbare alagberra.

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Ẹksọdọs 28:43

Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.

Levitikọs 24:22

Te uhi na dekan uwa hia, ivbi Izrẹl, kevbe avbe orhunmwuyẹn ni rre ehe ne uwa ye rhunmwuda, mẹ ọ re Nọyaẹnmwa Osanobua ruẹ.”

Nọmbas 10:8

Ivbi Errọn, ne avbe ohẹn ọre ọ gha kpe okpe na. “Avbe orre ni dee hia ghi gha lele avbe uhi na.

Nọmbas 15:14

A deghẹ a ghi vbe miẹn wẹ orhunmwuyẹn ne ọ rre uwu uwa, deghẹ ovbi ẹghẹ kherhe nọ ra te ọ wa do yin, ọ na wẹ rẹn gha zẹ ọhẹ evbare, emwi ne uwinhinmwẹ ọnrẹn yẹ Nọyaẹnmwa, rẹn ghi wa vbe rhie owẹ lelẹe vbene a mwamwa ẹn ye otọ na.

Nọmbas 15:29

Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

Nọmbas 9:14

“A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

Jọsua 8:33

Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.

I Samuẹl 30:25

E Devid keghi mu emwi na yotọ zẹ vbe iyi, erriọ ọ re a ye ru ẹe vbe Izrẹl ke ẹghẹ ni gha dee.