Nọmbas 14:9 - Edo Bible (E Baibol Ẹdo) Version 1996

⁹ Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Nọmbas 14:9 ပူးပေါင်းရင်းမြစ်များ

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 20:17

Ẹ i re uwa ọ re, ọ ra khọn okuọ na. Ma rhie ihẹ uwa ne uwa mudia, wa gha miẹn vbe Nọyaẹnmwa ra rhie akhọnmiotọ ne uwa. Ivbi e Juda kevbe Jerusalẹm, wa ghẹ si uhe ra ne afianma vbe fian uwa, wa ladian gha rrie okuọ, e Nọyaẹnmwa gha rrọọ yaba uwa!”

II Krọnikol 32:8

Ẹtin ọmwa ne agbọn kẹkan ọ re irẹn mwẹ sokpan, ma mwẹ, ẹtin ọghe Nọyaẹnmwa ne Osanobua mwẹ ne ọ gha gu ima khọn okuọ mwa.” Ẹmwẹ ne ọba iran tae na keghi rhie igiẹdu ne emwa nii.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Psalm 121:5

Nọyaẹnmwa gha gbe aro ghe ruẹ, ọ mudia ke uẹ ne ọ degue ruẹ.

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 46:8

Wa larre ne uwa do ghe, emwi ne Nọyaẹnmwa ru wa do ghe iwinna ọyunnuan ne ọ winnaẹn vbe uhunmwu otọ agbọn.

Psalm 74:14

U guọghọ uhunmwu e Leviatan ne ugbogiorinmwi amẹ, u na ya ikun ẹnrẹn koko aranmwẹ ato.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Jerimaia 42:11

Wa ghẹ ghi gie ohan ọba e Babilọn mu uwa ọvbehe. I gu uwa rrọọ. I gha vbe miẹn uwa fan hin obọ ẹtin ẹnrẹn rre.

Jerimaia 48:45

Iran ni lẹ hin ẹvbo iran rre, ne ẹtin vbe fo nẹ, gha te gha ho ne a miẹn iran yi vbe Hesbọn, ẹvbo nii ne ọba e Saihọn gha khaemwisẹ yan ẹghẹ ọkpa, sokpan, erhẹn wa to vbọ nian. Erhẹn giẹn ehe ne a ka sẹ vbọ kevbe avbe oke ni yo ọghe avbe ivbi e Moab ne okuo ye.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Nọmbas 13:30

E Kelẹb keghi gbe eta ye avbe emwa nii gui ma e Mosis unu, ọ wẹẹ, “Te ima ra dekun ẹvbo nii ne a mu ẹẹn nian, ma wegbe sẹ ne ọ gha khọn rẹn miẹn otọ.”

Nọmbas 17:6

E Mosis keghi gu ivbi Izrẹl guan, ọkpọkpa vbe uwu avbe ọkaolotu keghi rhie ọkpọ ọkpọkpa gie ẹe, ọkpọkpa, ọghe ẹwae ọkpọkpa, iweva ọre ehia khin, ọkpọ ọghe Errọn kevbe deba ọghe iran.

Nọmbas 20:2

Emwa nii ma miẹn amẹ wọn, iran keghi rhunmwuda onii doga e Mosis kevbe Errọn.

Nọmbas 24:8

Osanobua viọ iran ke Igipt ladian, ọ gbinna ne iran zẹ vbe ede, iran minọ avbe eghian iran re, iran dunmwu ugboloko iran an, iran vbe rẹnkhẹn iran.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Diuteronomi 1:21

Wa ghe, nene otọ ne Nọyaẹnmwa, ne Osanobua avbe erha uwa odede mu ne uwa ọre ọna khin, wa ya yin ẹnrẹn zẹ vbe ne ọ gie uwa, wa ghẹ gie ohan mu uwa, wa ghe; gie ẹtin fo uwa!’

Diuteronomi 1:26

“Sokpan, wa keghi sọtẹ, wa ma họn ẹmwẹ e Nọyaẹnmwa ne Osanobua rua, wa ma ya la otọe ni.

Diuteronomi 1:29

“Sokpan, I na tama uwa wẹẹ, ‘Wa ghẹ gie ohan emwa na mu uwa.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Diuteronomi 32:42

Esagiẹn iran gha ke ifẹnmwẹ mwẹ lẹ ye otọ, umozo mwẹ gha gbele iran hia ighẹ iran ni gbe odan ghe mwẹ, mẹ i ra fan emwa ni gun mwẹ gbinna fua. Uhin ighẹ iran ni miẹn ikuanegbe kevbe eseghan gha wulo.’

Diuteronomi 7:18

Wa ghẹ gie ohan iran mu uwa, wa ye rre emwi ne Nọyaẹnmwa Osanobua uwa ru ọba Igipt re, ke ẹe kevbe emwa rẹn hia.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

Giọgis 1:22

Emwa ẹwae Ifreim kevbe Manasẹ keghi mu okuo gha rrie Bẹtẹl ne a te tie ẹre Luz. E Nọyaẹnmwa keghi yi iran obọ. Iran keghi gie avbe ọrhẹ gha rrie ẹvbo nii.