Nọmbas 14:5 - Edo Bible (E Baibol Ẹdo) Version 1996

⁵ Ẹre Mosis kevbe Errọn na vbokho egbe rriotọ vbe odaro emwa nii.

Nọmbas 14:5 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

I Ọba 18:39

Emwa nii ghi miẹn emwi na, iran hia keghi dele gbe otọ, iran na datu wẹẹ, “E Nọyaẹnmwa ọrọre Osanobua, e Nọyaẹnmwa ọkpa ọrọre Osanobua!”

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Ezikiẹl 9:8

Ẹghẹ ne iran na wa gha gbele emwa khian nii, mẹ okpa ọ re ọ gha rre evba. I keghi de mu aro rhu otọ, I na datu wẹẹ, “E Nọyaẹnmwa ne Udazi, te ohu wa mu uwẹ sẹrriọ ra ne u ra na wa gbele emwa ni ghi kẹe vbe Jerusalẹm fo?”

Daniẹl 10:9

I ghi họn urhu na, I keghi de fianmwẹ otọ, I ma ghi rẹn emwi ne a ru, I keghi mu aro rhu otọ.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 14:6

E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:4

Ugbẹn vbe Mosis họn ẹmwẹ na, ọ keghi de gbe otọ, ọ na na erhunmwu.

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 20:6

E Mosis kevbe Errọn keghi ke odaro emwa ni gha dee do mudia ye onurho Owa Ukpọn Ile. Iran keghi vbẹ rre mu aro rhu otọ, awanwan ne ẹ i gia ghe nii ne ọ rhie ma wẹ Nọyaẹnmwa rre evba keghi rhie egbe ma iran.

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Jọsua 7:10

E Nọyaẹnmwa keghi tama e Jọsua wẹẹ, “Kpaegbe, vbọzẹ ne u na mu aro rhu otọ vbe nian na yi?

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 5:14

Emwi ne a yi ni ma wu enẹ nii keghi wanniẹn wẹẹ, “Isẹ!” Avbe ediọn nii keghi dele gbe otọ, iran ya uhunmwu rhanmwẹ otọ.

Arhie Maan 7:11

Avbe odibosa nii, keghi mudia lẹga ẹkete nii, kevbe avbe ediọn, kevbe avbe emwi ne a yi ni ma wu enẹ nii, iran keghi dele viọ aro rhu otọ vbe odaro ẹkete, iran keghi ya uhunmwu rhanmwẹ otọ ne Osanobua.