Nọmbas 14:42 - Edo Bible (E Baibol Ẹdo) Version 1996

⁴² Wa ghẹ yo, e Nọyaẹnmwa ma yaba uwa. Eghian uwa gha khọn miẹn uwa otọe.

Nọmbas 14:42 ပူးပေါင်းရင်းမြစ်များ

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Psalm 89:43

U ya emwi igbinna rẹn khian ne ẹ i mwẹ asa; u keghi gie obọ vba ẹre vbe okuo.

Nọmbas 14:43

Wa gha mu aro da avbe emwa Amalẹk kevbe Kenan, wa gha wulo ye okuo, e Nọyaẹnmwa i rrọ yaba uwa, rhunmwuda, wa he ne uwa lelẹe.”

Diuteronomi 1:42

“Sokpan e Nọyaẹnmwa tama mwẹ wẹẹ, ‘Tama iran ne iran ghẹ ya gbinna rhunmwuda mẹ i ra yaba iran, obọ eghian iran gha ke odukhunmwu ne iran.’

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

Jọsua 7:12

Ọna ọ re ọ sii ẹe ne ivbi Izrẹl ma na sẹtin mudia vbe odaro eghian iran. Iran lẹ hin odaro eghian rhunmwuda, emwi ne a ra fuẹn uan ọ re a ghi vbe ka iran tobọ iran baa. Mẹ i ghi mudia ke uwa ọvbehe sokpan a ma wẹ wa fuẹn avbe emwi ne a wẹ ne uwa ghẹ rhie.

Jọsua 7:8

Vbe i a ghi ra miẹn ta yi e Nọyaẹnmwa, vbene Izrẹl na lẹ werriegbe nẹ vbe odaro avbe eghian rẹn?

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.