Nọmbas 14:41 - Edo Bible (E Baibol Ẹdo) Version 1996

⁴¹ E Mosis keghi wanniẹn wẹẹ, “Vbọzẹ khekherriọ ne u wa ra na vbe he uhunmwu ye Nọyaẹnmwa obọ na? Ẹtin uwa i sẹ ọe.

Nọmbas 14:41 ပူးပေါင်းရင်းမြစ်များ

II Krọnikol 24:20

Ẹre orhiọn e Nọyaẹnmwa na hin yan e Zẹkaraia ne ovbi e Jehoiada ne ohẹn, Ọ keghi mudia ye ehe ne emwa ni gha na bẹghe irẹn, ọ na kha wẹẹ, “E Nọyaẹnmwa Osanobua nọ uwa emwi ne ọ si ẹe ne uwa na gha rra iyi irẹn ne uwa ghi ra na ya obọ uwa si ọfuan rriegbe! Wa fi iyeke gbe ẹe nẹ, rhunmwuda ọnii, rẹn vbe fi iyeke gbe uwa.”

Job 4:9

Osanobua keghi ya ohu ẹre fuẹn iran an zẹ vbe okpẹhoho.

Jerimaia 2:37

Wa gha kpa hin ehe ne Igipt ye rre, wa ghi ye ekhue mu uhunmwu yan izabọ. Mẹ ne Nọyaẹnmwa he iran ne uwa mu ẹtin yan nẹ. Wa i ra miẹn ọ maa okpa rhie vbe obọ iran.”

Jerimaia 32:5

A gha mu e Zedekaia gha rrie Babilọn. Ọ gha vbe gha rre odọ nii I te do ru ẹre emwi ne I gha ru ẹre re. Ọ gha khọn rẹn ne ọ gu ivbi e Babilọn gbinna, ẹ i dunna ne ẹẹn. Mẹ ne Nọyaẹnmwa taa ẹe nẹ.”

Nọmbas 14:25

Otọe iya ni ne emwa Amalẹk kevbe Kenan ye na. Vbe ẹdẹ na khuẹ, wa werriegbe, wa ya ọdelegbe la odẹ Okun Irunmwu la uwa ẹgbo.”

Diuteronomi 1:42

“Sokpan e Nọyaẹnmwa tama mwẹ wẹẹ, ‘Tama iran ne iran ghẹ ya gbinna rhunmwuda mẹ i ra yaba iran, obọ eghian iran gha ke odukhunmwu ne iran.’

I Samuẹl 15:19

Vbọ ghi zẹ ne u na he uhunmwu ye ọre obọ? Vbọzẹ ne uwa na do emwi gha fu hẹẹ, ne uwa na gha ru emwi ne ẹ i yẹ e Nọyaẹnmwa?”