Nọmbas 14:34 - Edo Bible (E Baibol Ẹdo) Version 1996

³⁴ Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!

Nọmbas 14:34 ပူးပေါင်းရင်းမြစ်များ

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

II Krọnikol 36:21

Erriọ ọre a na miẹn wẹ ẹmwẹ ne Nọyaẹnmwa la unu e Jerimaia ne akhasẹ ta ye otọ do sunu wẹẹ, “Otọe ni gha dihoi rua la ukpo ekigbesiyenẹ ne ọ gha rre ihẹ uhẹwẹmwẹ Ẹdẹ Ikẹtin ne iran ma ghi zẹ yi.”

Psalm 105:42

Ọ ye ile ne ọ gu Ebraham ne ọguọmwadia ẹre ta rre.

Psalm 38:4

Ẹzẹ esagiẹn orukhọ mwẹ lẹ mwẹ rriẹ ihẹ ọre khua gberra ne a sẹtin mu.

Psalm 77:8

Te ọ ghi dobọ ne ọ na ho ẹmwẹ mwa yi ra? Te a ghi so eyan ne ọ te yan gọ ra?

Psalm 95:10

Ukpo iyeva ọre egbe iran na wa ya wọ mwẹ I keghi kha wẹẹ, ‘Ghe vbene iran sọtẹ hẹ; iran hee uhi mwẹ ye otọ.’

Ezikiẹl 14:10

Ke akhasẹ kevbe ọmwa ne ọ do gualotọ emwi vbe obọ ẹre, emwi okpa ọ ra mian eveva.

Ezikiẹl 23:35

Banbanna nian, vbenian ọ re Nọyaẹnmwa ne Udazi khare, “Rhunmwuda ighe u mianmian mwẹ, u keghi fi iyeke gbe mwẹ, u gha rri oya ye ẹmwẹ orriarria ruẹ kevbe ebabotu ne u gbe.”

Ezikiẹl 4:6

U ghẹ ghi gbe onii fo nẹ, u ghi fi egbe werriẹ ghe obọ erha ọmwa ne u vbe rrioya ye orukhọ e Juda la ikpẹdẹ iyeva, ikpẹdẹ ọkpọkpa ye ihe ukpo ọkpọkpa vbe ẹghẹ ne iran ra rrioya la vbotọ.

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Levitikọs 20:19

“A deghẹ okpia gu ovbiye erha ẹe ru emwi, iran eveva ghi gba rri oya ye uyimwẹ ovbukhọ iran.

Zẹkaraia 11:10

Ẹre I na rhie ọkpọ ne I tie ẹre “Aro ne ọ maa” vbọ, I na bun ẹnrẹn uan, ne I ya ne I ya so ẹe gọ ighẹ ile ne Nọyaẹnmwa gu avbe uhunmwu ẹvbo taa.

Nọmbas 13:25

Iran ghi ya ikpẹdẹ iyeva ghe otọe nii lẹga nẹ, iran keghi dọlegbe bu

Nọmbas 18:23

Ke ẹghẹ na kpao, avbe Livai ọ re ọ ghi gha gbearoghe Owa Ukpọn, obọ iran ọre emwi hia ni dekan rẹn ghi gha ye. Iyi ọghe etẹbitẹ ne ọ vbe sẹ egbe ivbi uwa ọre ọna khin. Avbe Livai i khian gha mwẹ emwi are vbe ukhu vbe otọe Izrẹl.

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Iwinna 13:18

Ukpo iyeva ọre ọ ya mu ẹmwẹ iran woo egbe vbe uwu ato.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Jọsua 14:10

E Kelẹb keghi ye rhie tẹe wẹẹ, ‘Ghe nian, ukpo isẹn yan iyeva ọ re ọ ghi ye na ne Nọyaẹnmwa ta ẹmwẹ na ma Mosis. Ọnii keghi re ẹghẹ ne ivbi Izrẹl na gha la ato gberra, e Nọyaẹnmwa keghi ye sẹ mwẹ rae ye agbọn ke ẹghẹ nii gha dee. U ghi ghe mwẹ nian, ukpo isẹn yan iyenẹ ọre I ghi ye na.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.