Nọmbas 14:33 - Edo Bible (E Baibol Ẹdo) Version 1996

³³ Ivbi uwa gha zozo la ukpo iyeva vbe uwu ẹgbo, iran ghi gha rri oya ba ẹmwẹ ne uwa i na gia mu ẹtin yan, a te do miẹn wẹ ne okiekie vbe uwu uwa, wu.

Nọmbas 14:33 ပူးပေါင်းရင်းမြစ်များ

Psalm 107:4

Eso kegha zozo lele ato ne odẹ i ye khian iran ma vbe miẹn odẹ la gha rriẹ ẹvbo ne iran gha dia.

Psalm 107:40

ọ ghi mu ohu ghe iran ni zẹ iran kpokpo, ọ ghi ye iran gha kpolugho vbe ato ne odẹ i ye.

Psalm 78:33

Rhunmwuda ọnii, ọ keghi fian iran ẹdagbọn uan, zẹ vbe uhiọnrọnmwẹ, kevbe arrọ ọghe iran vbe uwu ekpainkpain.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ezikiẹl 23:35

Banbanna nian, vbenian ọ re Nọyaẹnmwa ne Udazi khare, “Rhunmwuda ighe u mianmian mwẹ, u keghi fi iyeke gbe mwẹ, u gha rri oya ye ẹmwẹ orriarria ruẹ kevbe ebabotu ne u gbe.”

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Nọmbas 33:38

Vbe ikpẹdẹ ne okaro vbe uki ne ogisẹn ọghe ukpo iyeva ne Izrẹl kpao vbe Igipt rre, Errọn ne ohẹn keghi hin Oke Họ zẹ vbene Nọyaẹnmwa tama rẹn, ọ keghi wu vbe evba vbe ọ rre ọmọ ukpo eha yan iyehan (123).

Nọmbas 5:31

Ọdọ ẹre imwẹ abe ne a gha rhie nẹ, sokpan okhuo nii gha rri abe, a ghi rri ọre oya.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

Diuteronomi 1:3

Vbe ikpẹdẹ ne okaro ọghe uki ne ogiowọrọ vbe ọ rre ukpo iyeva ne iran ghi kpao vbe Igipt rre, e Mosis keghi talọ emwi hia ne Nọyaẹnmwa wẹ ne ọ tama emwa ni ma iran.

Diuteronomi 2:14

Ke ẹghẹ ne ima ya kpao vbe Kedẹs Bania rre yasẹ ne ima ya fian Zẹrẹd rra, ke gha re ukpo eva irrọvbiyeva. Emwa ni sẹtin yo okuo vbe orre nii hia wulo fo nẹ zẹ vbe ne Nọyaẹnmwa ta ẹe wẹ iran gha wulo.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 29:5

Vbe ukpo iyeva ne Nọyaẹnmwa ya viọ uwa la uwu ato gberra, ukpọn uwa kevbe ibata uwa ma khian ọmaẹn.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Diuteronomi 8:4

Ukpon ruan ma khian ọmaẹn, owẹ rua ma hinmwian vbe ukpo iyeva nii.

Jọsua 14:10

E Kelẹb keghi ye rhie tẹe wẹẹ, ‘Ghe nian, ukpo isẹn yan iyeva ọ re ọ ghi ye na ne Nọyaẹnmwa ta ẹmwẹ na ma Mosis. Ọnii keghi re ẹghẹ ne ivbi Izrẹl na gha la ato gberra, e Nọyaẹnmwa keghi ye sẹ mwẹ rae ye agbọn ke ẹghẹ nii gha dee. U ghi ghe mwẹ nian, ukpo isẹn yan iyenẹ ọre I ghi ye na.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.