Nọmbas 14:29 - Edo Bible (E Baibol Ẹdo) Version 1996

²⁹ Wa gha wulo, a ghi vbe zagha ikun orinmwi uwa lele uwu ẹgbo na, rhunmwuda ne emwa na gha gui ẹzọ uwu unu ghe mwẹ, wa na hia fẹẹrẹ ne ọ sẹ ọmọ ukpo ugie nẹ ne ọ gha lao otọe nii, ẹ i rrọọ.

Nọmbas 14:29 ပူးပေါင်းရင်းမြစ်များ

Psalm 106:26

Rẹn keghi rhunmwuda ọnii ya obọ sekhae ne iran bu iran ude, wẹ rẹn gha gie iran wulo vbe uwu ato.

Psalm 78:33

Rhunmwuda ọnii, ọ keghi fian iran ẹdagbọn uan, zẹ vbe uhiọnrọnmwẹ, kevbe arrọ ọghe iran vbe uwu ekpainkpain.

Ezikiẹl 20:38

I gha viọ iran ni sọtẹ kevbe ni ru orukhọ. I gha viọ iran hin otọe ne iran ye na rre sokpan mẹ i ra gie iran werriegbe gha rrie otọ Izrẹl. Ẹghẹ nii, wa gha na rẹn ighe mẹ ọrọre Nọyaẹnmwa.”

Nọmbas 26:64

Orhiọn ọkpa irrọ ne Mosis kevbe Errọn sẹrae ne a ma ka vbe Ato Sainai.

Nọmbas 26:65

E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.

I Kọrinti 10:5

Uhin ighẹ ọ rhe ye rriọ, ẹko iran hia ma rhiẹnrhiẹn Osanobua rhunmwuda ọnii ọ keghi zagha ikun iran lele uwu ato hia.

Diuteronomi 2:14

Ke ẹghẹ ne ima ya kpao vbe Kedẹs Bania rre yasẹ ne ima ya fian Zẹrẹd rra, ke gha re ukpo eva irrọvbiyeva. Emwa ni sẹtin yo okuo vbe orre nii hia wulo fo nẹ zẹ vbe ne Nọyaẹnmwa ta ẹe wẹ iran gha wulo.

Hibru 3:17

De emwa ne Osanobua ya ukpo iyeva mu ohu ghe yi? Ọ mu ohu iran ni ru orukhọ, ne iran na vbe dele wu vbe uwu ato.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.