Nọmbas 14:27 - Edo Bible (E Baibol Ẹdo) Version 1996

²⁷ “Vbe avbe emwa dan na ra gui ẹzọ uwu unu ghe mwẹ kpẹe sẹhẹ yi? Ẹzọ uwu unu ne I he họn vbe unu iran sẹe.

Nọmbas 14:27 ပူးပေါင်းရင်းမြစ်များ

Ẹksọdọs 16:12

“I họn ẹzọ ne ivbi Izrẹl gui, Tama iran wẹ ẹdẹ gha wan dee, iran gha miẹn emiowo re, ọ gha sẹ ẹghẹ owiẹ, iran gha vbe miẹn ebrẹd vbe ne iran ho. Ẹghẹ nii, iran gha rẹn wẹ mẹ ne Nọyaẹnmwa ọrọre Osanobua iran.”

Ẹksọdọs 16:28

Ẹre Nọyaẹnmwa na tama e Mosis wẹẹ, “Inu ẹghẹ wa ra rra uhi kevbe iyi mwẹ la yi?

Ẹksọdọs 16:7

Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Ẹksọdọs 16:9

E Mosis keghi tama Errọn wẹẹ, “Tama emwa nii hia wẹ ne iran gha dee do mudia vbe odaro e Nọyaẹnmwa, rhunmwuda ọ họn ẹzọ ne iran gui.”

Ezikiẹl 35:13

I họn ẹmwẹ ọpakharha ne u gha ta gun mwẹ.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 14:26

E Nọyaẹnmwa keghi tama e Mosis kevbe Errọn wẹẹ,

Matiu 17:7

Jesu keghi khian bu iran rre, ọ ya obọ kan iran, ọ wẹẹ, “Wa kpaegbe, wa ghẹ gie ohan mu uwa.”

Iyẹn ne ọ Maan Ọghe Mak 9:19

Jesu khama iran wẹẹ, “Wa izẹdẹ mwẹ iyayi hiehie re! Vbe I a gha kpee sẹ hẹ vbe ehe ne uwa ye? Vbe I a gha mu ẹmwẹ uwa wo egbe kpee sẹ hẹ! Rhie ne ọvbokhan gun mwẹ.”

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.